ရုပ်ရှင်အစည်းအရုံးဥက္ကဋ္ဌလူမင်း
======================
ကိုယ်တို့ဘက်က အခက်အခဲ လိုအပ်ချက်တွေ တင်ပြရမှာက ကိုယ်တို့တာဝန်ပေါ့။ ပံ့ပိုးကူညီမှု အပိုင်းကတော့ သမ္မတကိုယ်တိုင် ပံ့ပိုးကူညီမှဖြစ်မယ်။ရုပ်ရှင်လောက ကိုမကြည့်ပေးလို့မရဘူး။ကြည့်ပေး ရမယ်။ ဘာလို့လဲဆိုတော့ ကိုယ် တို့အနုပညာလောကသားတွေက သရုပ်ဆောင်ကအစ ထုတ်လုပ်သူ တွေ၊ရုံပိုင်ရှင်တွေအဆုံး နိုင်ငံတော် အခွန်တာဝန်တွေကိုကျေကျေပွန်ပွန် ထမ်းဆောင်နေကြတဲ့ နိုင်ငံသား တွေပါ။ကိုယ်တို့ထမ်းဆောင်နေတဲ့ နိုင်ငံတော်ဘဏ္ဍာငွေထဲကို ဝင်သွား တဲ့အခွန်တော်တွေသည် ဒီလောက ကိုပြန်လည်စောင့်ရှောက်ပေးရမယ့် တာဝန်နဲ့ဝတ္တရားလဲ နိုင်ငံတော်မှာ ရှိလိမ့်မယ်လို့ထင်တယ်။
သဘင်အစည်းအရုံး အတွင်းရေးမှူး ဒေါ်နွဲ့နွဲ့စန်း
====================
သဘင် လောကသားတွေ ကောင်းစားဖို့၊ သဘင်လောကကြီး မြင့်မားဖို့၊ သဘင်လောကသားတွေ စည်းကမ်းရှိဖို့က နိုင်ငံတော်က မပံ့ပိုးရင်ဘာမှလုပ်လို့မရဘူး။အမေ တို့အာဏာကို မကြောက်ဖူးလေ။ နိုင်ငံတော်က ပြဋ္ဌာန်းထားတာနဲ့ အမေတို့ပူးပေါင်းမှသဘင်လောက ကိုကိုင်လို့ရမယ်။ သဘင်လောက က သားသမီးများက ခေတ်ပညာ တတ်မရှိတဲ့အတွက်ပညာရေးဖောင်
ဒေးရှင်းအကြောင်းပြောမယ်။ ပွဲမိန့် တည်ထောင်ခွင့် ဥပဒေပါတော့ ဒီကိစ္စနိုင်ငံတော်ကို တင်ပြမယ်။
သရုပ်ဆောင်နေတိုး
==============
သမ္မတကြီးသိအောင် လောက အကြောင်း တိုက်ရိုက်ပြောခွင့်ရ တော့ သမ္မတကြီးပံ့ပိုးကူညီရမှာ တွေကို မြင်သွားတော့ ကျွန်တော် တို့အတွက်ရော အနုပညာလောက သားတွေအတွက် ထိရောက်မှုပိုရှိ တယ်လို့ မြင်ပါတယ်။ သမ္မတကြီး ပြောသွားသလို လောလောဆယ် လုပ်လို့ရတဲ့ အတိုင်းအတာနဲ့စ မှာပေါ့။ သမ္မတကြီး ပြောသွားတဲ့ အပေါ် ကျေနပ်မှုရှိပါတယ်။
ဦးဝင်းနိုင်(အနုပညာ)
===============
သမ္မတကြီးပြောသွားတဲ့ အနု ပညာလောကနဲ့ အစောကြီးတွေ့ရင် သိပ်ကောင်းမှာပဲဆိုတဲ့ စကားတစ် ခွန်းကို ကြားလိုက်ရပါတယ်။ ဖြစ် ပျက်နေတဲ့အကြောင်းအရာကိုသူကြို မသိထားဘူးလို့ဆိုတဲ့ အဓိပ္ပာယ် ကို ဆောင်တယ်လို့ယူဆပါတယ်။ ရင်ထဲမှာအောင်းနေတဲ့ အဖွဲ့အစည်း သုံးခုရဲ့ စကားလုံးလေးတွေထုတ် ခွင့်ရလို့ ကျေနပ်မှုရှိတယ်လို့ပြော လို့ရပါတယ်။
အဆိုတော်စည်သူလွင်
=================
ကိုယ်ကဂီတဘက်ကပေမယ့် အားလုံးက အနုပညာသမားတွေ၊ အတူတူပါပဲ။ အနုပညာလောက ကြီးအတွက် အကျိုးအမြတ်ရှိမယ် ဆိုရင် ဘယ်သူမဆိုပြောဆိုဆွေး နွေး နိုင်ပေမယ့် ကျွန်တော်ကတော့ ဝင်ပြောမှာမဟုတ်ပါဘူး။ ကျွန်တော် က လူငယ်တစ်ယောက်ဖြစ်တော့ ကျွန်တော့်ထက် တတ်သိနားလည် တဲ့သူတွေရှိပါတယ်။သူတို့ဆွေးနွေး ပါလိမ့်မယ်။ အနုပညာ အရည် အသွေးကောင်းလာရင်ကိုယ့်နိုင်ငံရဲ့ ဂုဏ်ကို မြှင့်တင်ပေးရာရောက်ပါ တယ်။ တခြားနိုင်ငံတွေနဲ့ယှဉ်ရင် အနုပညာအရည်အသွေး ကျွန်တော် တို့နိုင်ငံက မညံ့ပါဘူး။ ဒါပေမယ့် လုပ်ပိုင်ခွင့်၊ရပိုင်ခွင့်တွေကအများကြီး စကားပြောနေပါတယ်။အဲဒါလေး တွေရလာရင် အားလုံးနဲ့ရင်ပေါင် တန်းနိုင်ပါတယ်။ အခွင့်အရေး တစ်ရပ်လို့ မြင်ပါတယ်။
No comments:
Post a Comment