တရားစွဲခံရသူတွေရဲ့ အမှုကိုလိုက်ပါဆောင်ရွက်ပေးနေတဲ့ တရားလွှတ်တော်ရှေ့နေ ဦးရောဘတ်စန်းအောင်က အမှုနဲ့ပတ်သက်ပြီး အခုလိုပြောပါတယ်။
"၂၄ ရက် ၆ လ ၂ဝ၁၄ နေ့တုန်းက ပြင်ဆင်ချက်အရဆိုရင် ခွင့်ပြုချက်တင်တဲ့အခါမှာ မငြင်းပယ်ရဘူး၊ ပေးရမယ်၊ အဲဒါကို တခြားမခိုင်လုံတဲ့ အကြောင်းပြချက်နဲ့ ငြင်းပယ်တာက ဥပဒေပိုင်းမှာ သူတို့ဘက်က အားနည်းချက်ကို ထင်ရှားစေတဲ့အချက်ပဲ၊ ဥပဒေကြောင်းအရ ငြိမ်းစုစည်း ဥပဒေပြင်ဆင်ချက်နဲ့ မကိုက်ညီဘူး၊ ဒါကြောင့်မို့လို့ ဒါကိုကျနော်တို့က လူ့အခွင့်အရေး ကြေညာစာတမ်းပါအချက်ရယ်၊ ပြည်သူ့လွှတ်တော် ဥက္ကဌ သူရဦးရွှေမန်းတို့ရဲ့ မိန့်ခွန်းတွေဘာတွေအရ ကျနော်တို့က ဒါကိုကိုးကားပြီးတော့ ထုချေရှင်းလင်းလျှောက်လဲမှာ ဖြစ်ပါတယ်"
PR ခေါ် အချိုးကျကိုယ်စားပြု ရွေးကောက်ပွဲစနစ်ကို ဦးဆောင်ကန့်ကွက်ခဲ့သူ ၅ ဦးကို ပြည်မြို့နယ်ရဲစခန်းက ဒုတိယရဲမှူး ဦးမျိုးမြင့်က တရားစွဲဆိုတာဖြစ်ပြီး တရားစွဲခံရသူတွေရဲ့ ရှေ့နေတွေအဖြစ် ပန်းတောင်းမြို့နယ် အမျိုးသားဒီမိုကရေစီအဖွဲ့ချုပ် ဒုတိယဥက္ကဌ အထက်တန်းရှေ့နေ ဒေါ်ခင်နှင်းသစ်နဲ့ တရားလွှတ်တော်ရှေ့နေ ဦးရောဘတ်စန်းအောင်တို့က ကူညီဆောင်ရွက်ပေးနေတာဖြစ်ပါတယ်။
ပြည်မြို့က PR စနစ် ဆန္ဒပြပွဲမှာ နိုင်ငံရေး အကျဉ်းသားဟောင်းတွေ၊ အရပ်ဘက်လူမှု အဖွဲ့အစည်းတွေနဲ့ ဒေသခံတွေ စုစုပေါင်း ၁၀၀ ကျော်လောက် ပါဝင်ခဲ့တာဖြစ်ပါတယ်။
PR စနစ်ကို ကန့်ကွက်တဲ့ဆန္ဒပြပွဲတွေကို ရန်ကုန်၊ တောင်ငူ၊ ရမည်းသင်းနဲ့ နတ်တလင်းမြို့တွေမှာ ပြီးခဲ့တဲ့ရက်ပိုင်းက ပြုလုပ်ခဲ့ကြပါတယ်။
No comments:
Post a Comment