ဟောင်ကောင်မြို့လယ်ရှိ အစိုးရရုံးစိုက်ရာ နေရာမှာ ဆန္ဒပြနေတဲ့ လူအုပ်ကြီးကို ရဲတွေက ငရုပ်သီးလို အရည်တွေ အရင်သုံးပြီး လူစုခွဲခဲ့သလို အဲဒီနောက်မှာတော့ မျက်ရည်ယိုဗုံးတွေနဲ့ ဒီမိုကရေစီကို လိုလားကြောင်း ဆန္ဒပြသူတွေကို ဖြိုခွင်းခဲ့ပါတယ်။
ဟောင်ကောင်မှာ ၂၀၀၅ ခုနှစ်နောက်ပိုင်း ရဲတွေက ပထမဆုံးအကြိမ်အဖြစ် မျက်ရည်ယိုဗုံးတွေကို အသုံးပြုခြင်း ဖြစ်ပါတယ်။
ဆန္ဒပြနေကြတဲ့ ကျောင်းသားတွေကတော့ ထီးတွေနဲ့ မျက်နှာဖုံးတွေကို အကာအကွယ်အဖြစ် အသုံးပြုခဲ့ကြပါတယ်။
အဲဒီလို ဖြိုခွင်းမှုအတွင်း အနည်းဆုံး လူ ၃၀ လောက် ဒဏ်ရာရပြီး ဆေးကုသမှု ခံယူနေပါတယ်။
စီးပွားရေးအချက်အခြာ ကျတဲ့ နေရာတဝိုက်မှာ ဆန္ဒပြမှု ဖြစ်နေတဲ့အတွက် လူသွားလူလာ များတဲ့ ရုံးဖွင့်ရက် မတိုင်ခင်မှာ ရဲတွေက လူစုခွဲခဲ့တာ ဖြစ်ပါတယ်။
ဆန္ဒပြမှုအတွင်း လူအယောက်ပေါင်း ၈၀၀၀၀ (ရှစ်သောင်း) လောက် ပါဝင်မယ်လို့ ခန့်မှန်းထားကြပါတယ်။
ဆန္ဒပြသူတွေကတော့ ၂၀၁၇ ခုနှစ်မှာ ကျင်းပမယ့် ရွေးကောက်ပွဲမှာ တရားမျှတမှုရှိပြီး ဟောင်ကောင်ပြည်သူတွေ ကြိုက်နှစ်သက်ရာ ခေါင်းဆောင်ကို ရွေးကောက်တင်မြောက်ခွင့်ပေးဖို့ ၈ ရက်ကြာ တောင်းဆို ဆန္ဒပြကြတာ ဖြစ်ကြောင်း အေဘီစီ သတင်းထောက် Sarah Clark က ဟောင်ကောင်မြို့ကနေ သတင်းပေးပို့ထားပါတယ်။
 |
| ရဲတွေ လူစုခွဲနေစဉ် မြင်ကွင်း |
No comments:
Post a Comment