ပွင့်ဖြူမြို့နယ်တရားရုံးကို သွားရောက်ခဲ့တဲ့ မကွေးတိုင်းဒေသကြီး အမျိုးသားဒီမိုကရေစီအဖွဲ့ချုပ် ဥပဒေအထောက်အကူပြုအဖွဲ့ဝင် ဦးတင်အောင်ထွန်းက အဲဒီဟောပြောပွဲစီစဉ်သူ ပခုက္ကူမြို့နယ်က ဦးမျိုးသန့်ကို ပုဒ်မ ၅၀၅(ခ)၊ ပုဒ်မ ၅၀၅ (ဂ)၊ ပုဒ်မ ၁၅၃(က)၊ ပုဒ်မ ၅၀၀၊ ပုဒ်မ ၅၀၁ စတဲ့ ပုဒ်မတွေနဲ့ ပြီးခဲ့တဲ့ မေလ ၂၆ ရက်နေ့က ပွင့်ဖြူမြို့နယ် တရားရုံးမှာ စတင်တရားစွဲခဲ့တာဖြစ်ပါတယ်။
ပုဒ်မ ၅ခုနဲ့ တရားစွဲခဲ့ပေမယ့် ပြီးခဲ့တဲ့ ဇူလိုင်လ ၄ရက်နေ့မှာ ပွင့်ဖြူမြို့နယ် တရားရုံးမှာ ရုံးတင်စစ်ဆေးရာ ဘာသာတစ်ခုကို မကိုးကွယ်ချင်အောင် လှုံ့ဆော်မှု ပုဒ်မ ၁၉၈ နဲ့ပဲ စစ်ဆေးခဲ့တယ်လို့ ပြောပါတယ်။
ဧပြီလ ၃၀ရက်နေ့က ပွင့်ဖြူမြို့နယ် ပြည်လုံးချမ်းသာ ဘုရားဝင်းအတွင်းမှာ ကျင်းပခဲ့တဲ့ အမျိုး၊ ဘာသာ သာသနာစောင့်ရှောက်ရေး ဟောပြောပွဲမှာ မန္တလေးမစိုးရိမ်ကျောင်းတိုက် ဆရာတော် ဦးဝီရသူက အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ကို ကန်တော့နေတဲ့ ဗီနိုင်းပုံနဲ့ သံဃာတော်တွေကို အစ္စလာမ်ဘာသာဝင်တွေက တက်နင်းနေတဲ့ ဗီနိုင်းပုံတွေကို ချိတ်ဆွဲခဲ့တာဖြစ် တယ်လို့ ဦးတင်အောင်ထွန်းက ဆိုိပါတယ်။
အဲ့ဒီအမှုကို ပွင့်ဖြူမြို့နယ်တရားရုံးမှာ ရုံးတင်စစ်ဆေးတာ ၇ ကြိမ်မြောက်ရှိပြီဖြစ်ပြီး လာမယ့် အောက်တိုဘာလ ၁၃ ရက်နေ့မှာ ဆက်လက်စစ်ဆေးမှာဖြစ်တယ်လို့ သိရပါတယ်။
No comments:
Post a Comment