ရောဂါ ပြန့်ပွားမှုကို ထိန်းချုပ်ဖို့ တုံ့ပြန် လုပ်ဆောင်မှုတွေ အသာစီး ရလာပြီလို့ ယုံကြည်ရကြောင်း WHO ရဲ့ လက်ထောက် ညွှန်ကြားရေးမှူးချုပ် ဒေါက်တာ Bruce Aylward က ပြောပါတယ်။
ဒါပေမယ့် ဒီအခြေအနေဟာ ကပ်ရောဂါ ဘေးက လွတ်မြောက်သွားပြီလို့ ယူဆဖို့ မဟုတ်ကြောင်းလည်း သူက သတိပေးပါတယ်။
ကမ္ဘာလုံး အတိုင်းအတာနဲ့ အီဘိုလာ ကူးစက်ခံရသူ အခုအချိန်အထိ ၁၃၇၀၃ ယောက် ရှိပြီး သေဆုံးသူ အရေအတွက် ကတော့ ဗုဒ္ဓဟူးနေ့မှာ ထုတ်ပြန်ဖို့ ရှိရာမှာ အယောက် ၅၀၀၀ ကျော်သွားမယ့် အလားအလာ ရှိနေပါတယ်။
လိုင်ဘေးရီးယားမှာ ပြီးခဲ့တဲ့ အပတ်က သေဆုံးသူ ၁၁၇ ယောက် ရှိခဲ့ပြီး သေနှုန်း အမြင့်ဆုံး ဖြစ်ခဲ့တဲ့ စက်တင်ဘာလမှာ ၃၁၅ ယောက် ရှိခဲ့တာနဲ့ နှိုင်းစာရင် လျော့ကျ သွားတယ်လို့ လိုင်ဘေးရီးယား ကြက်ခြေနီ အဖွဲ့က ပြောပါတယ်။
ရောဂါ ကုသဆောင် တွေမှာလည်း လူနာတွေအတွက် ကုတင် အလွတ်တွေ ရှိလာပြီလို့ ဆိုပါတယ်။
No comments:
Post a Comment