"ကျမတို့နိုင်ငံအတွက် အလိုအပ်ဆုံးကိစ္စက ဘာလဲဆိုရင် အလုပ်အကိုင် ဖန်တီးရေးပဲ၊ ဒါကြောင့် ကျမတို့ အလုပ်အကိုင်ဖန်တီးရေးကို ဦးတည်ပြီးတော့ အသက်မွေးဝမ်းကျောင်းပညာကို အားပေးတာဖြစ်ပါတယ်၊ ကျမဟာ ပညာသက်သက်ကြီးကို အထင်မကြီးလို့ မဟုတ်ပါဘူး၊ ကျမအင်မတန်မှ ပညာကိုလေးစားပါတယ်၊ အထင်ကြီးပါတယ်၊ တန်ဖိုးထားပါတယ်၊ ဒါပေမဲ့ အသက်မွေးဝမ်းကျောင်းပညာဆိုတာလည်း ပညာပဲဆိုတာ ကျမတို့ပြည်သူလူထုတွေရော၊ နိုင်ငံတကာကရော အသိအမှတ်ပြုဖို့လိုပါတယ်၊ ဘွဲ့ဆိုတာဟာ တက္ကသိုလ်ဘွဲ့မှသာ ဘွဲ့တစ်ခုမဟုတ်ပါဘူး၊ အသက်မွေးဝမ်းကျောင်းပညာနဲ့ ဘွဲ့ရထားတာလည်း ဘွဲ့ပဲ၊ ဘွဲ့တင်မဟုတ်ဘူး ကိုယ့်ကိုကိုယ် တာဝန်ယူနိုင်တဲ့ အရည်အချင်းတွေ ရထားခြင်းဖြစ်ပါတယ်၊ အဲဒီ့ဟာက ဘယ်ဘွဲ့နဲ့မှ နှိုင်းယှဉ်လို့မရပါဘူး"
ဒီကျောင်းကို တက္ကသိုလ်ဝင်တန်းအောင်ပြီးသား လူငယ်တွေ ဝင်ရောက်လျှောက်ထားနိုင်ပြီး ဟိုတယ်လုပ်ငန်းနဲ့ ပတ်သက်တဲ့ ဘာသာရပ်တွေကို အခမဲ့သင်ကြားပေးမှာဖြစ်ပါတယ်။ ကျောင်းသူကျောင်းသား ၅၀ ရာခိုင်နှုန်းကို ကော့မှူး၊ ကွမ်းခြံကုန်းနဲ့ တွံတေးမြို့နယ်အတွင်း နေထိုင်သူတွေထဲက ဦးစားပေးရွေးချယ်ခဲ့ကြောင်းနဲ့ လက်ရှိမှာ ကျောင်းသားတစ်ရာနီးပါး တက်ရောက်သင်ကြားနေကြောင်းလည်း သိရပါတယ်။
အခုလို အသက်မွေးဝမ်းကြောင်းပညာရပ်တွေ သင်ကြားပေးမယ့်ကျောင်းတွေကို နိုင်ငံအနှံ့အပြားမှာ တိုးချဲ့ဖွင့်လှစ်သွားမယ်လို့လည်း ဒေါ်အောင်ဆန်းစုကြည်က ဒီကနေ့ ပြောကြားသွားခဲ့ပါတယ်။
No comments:
Post a Comment