ဒေါ်အောင်ဆန်းစုကြည်၏ ၆၉ နှစ်မြောက်မွေးနေ့ အမှတ်တရအဖြစ်
ရည်ရွယ်ထုတ်ဝေခဲ့သည့် "ဒေါ်အောင်ဆန်းစုကြည်၏ နှလုံးသားပုံရိပ်များ"စာအုပ်သည်
ယနေ့ အချိန်၌ စာဖတ်ပရိသတ်များ၏ အားပေးခြင်းခံရသည့် စာအုပ်အဖြစ်
စာပေလောကတွင် ရပ်တည်လျက် ရှိသည်။
ယင်းစာအုပ်ကို မောင်မောင်ဝမ်းက ရေးသားထားပြီး ဇွန်လတွင် Home စာပေတိုက်မှ ထွက်ရှိခဲ့ခြင်း ဖြစ်သည်။
အဆိုပါစာအုပ်၌ စာရေးသူ မောင်မောင်ဝမ်းက ဒေါ်အောင်ဆန်းစုကြည် ၏ စိတ်နေစိတ်ကို ရေးသားထားပြီး အဆိုပါစာအုပ်သည် တခြားသောသူများလို ဖော်လံဖားရေးသားထားခြင်း မဟုတ်ကြောင်း ရေးသားထားသည်။ ယင်းအပြင် ဒေါ်အောင်ဆန်းစုကြည်သည် မြန်မာပြည်သူလူထုကို ဦးဆောင်နိုင်ခြင်းရှိသူ ဟုတ်မဟုတ်ကို ပြည်သူလူထုသိစေရန် သုံးသပ်ရေးသားထားခြင်း ဖြစ်သည်။
အဆိုပါစာအုပ်တွင် စာရေးသူသည် ဒေါ်အောင်ဆန်းစုကြည်နှင့် တွေ့ဆုံခဲစဉ်က သိရှိခဲ့သည့် ၎င်း၏ စိတ်ဓာတ်နှင့် လူထုအပေါ်ထားရှိသည့် မေတ္တာတချို့ကို ရေးသားဖော်ပြထားသည်။ စာအုပ်၏ အမှတ်တရ ရေးသားထားသည့် မှတ်ချက်တွင် ဇာဂနာက "ယင်းစာအုပ်သည် ဒေါ်အောင်ဆန်းစုကြည်၏ မွေးနေ့တွင် ထုတ်ချင်သည့် စာအုပ်ဖြစ်ပြီး ကျွန်တော်၏ လက်ထဲသို့ စာမူရောက်သည့်နေ့သည် ဇွန် ၃ ရက်ဖြစ်သည်။ စာရေးသားခဲ့သည့် မောင်မောင်ဝမ်းသည် ရာသီစာမဟုတ်၊ လမ်းကြုံလို့ ရေဝင်ခပ်သူမဟုတ်၊ သူ့စာတွေက သက်သေခံပါလိမ့်မည်"ဟု ၎င်းက သုံးသပ်ရေးသားထားသည်။
ဒေါ်အောင်ဆန်းစုကြည်၏ နှလုံးသားပုံရိပ်များ စာအုပ်သည် ပထမအကြိမ် ထုတ်ဝေခြင်းဖြစ်ပြီး အုပ်ရေ ၁ဝဝဝ ထုတ်လုပ်ကာ ငွေကျပ်၂ဝဝဝ သတ်မှတ်ထားပြီး စာအုပ်အတွင်းပိုင်း၌ ဒေါ်အောင်ဆန်းစုကြည်၏ ပုံတူပန်းချီများကို ပန်းချီထိန်းလင်းက ရေးဆွဲထားခြင်း ဖြစ်သည်။
No comments:
Post a Comment