၂၆.၁၀.၂၀၁၄ ရက်နေ့ ၀၈၀၀ အချိန်တွင် ဒလမြို့မ ရဲစခန်းမှ တပ်ဖွဲ့ဝင်များသည် ဒလမြို့နယ် ဆေးရုံသို့ ကလေးငယ်တစ်ဦး ရေနစ်သေဆုံး ရောက်ရှိ လာကြောင်း သတင်းအရ သက်သေများနှင့်အတူ သွား ရောက်စစ်ဆေးခဲ့ရာ သေဆုံး သူကလေးငယ်မှာ မအိသဉ္ဇာမျိုး၊ (၁)နှစ်(၅)လဖြစ်ပြီး ပြင်ပဒဏ်ရာ မတွေ့ရှိဘဲ သေဆုံးနေသည်ကို တွေ့ရှိရပါသည်။
ဖြစ်စဉ်အားစုံစမ်းရာ ၀၅၃၀ အချိန်ခန့်တွင် မအိသဉ္ဇာမျိုးနှင့် မောင်အလိမ္မာ၊ (၉)နှစ်တို့ (၂)ဦးသည် နေအိမ်နောက်ခန်းအတွင်း အိပ်နေကြစဉ် မိခင်ဖြစ်သူမှာ ဈေးရောင်း သွားနေခဲ့ကြောင်း၊ ၀၆၀၀ အချိန် တွင် မောင်အလိမ္မာမှ ညီမဖြစ်သူ ပျောက်ဆုံးနေကြောင်း လာရောက် ပြောပြသဖြင့် နေအိမ်သို့ ပြန်လာပြီး
ရှာဖွေခဲ့ကြောင်း၊ ထိုသို့ရှာဖွေခဲ့ရာ သမီးဖြစ်သူ မအိသဉ္ဇာမျိုးအား နေအိမ် နောက်ဖေးရှိ ချောင်းရေစပ်တွင် သေဆုံးနေသည်ကိုတွေ့ရှိရပြီး အိပ်ခန်းကြမ်းပေါက်မှ ပြုတ်ကျကာ ချောင်းစပ်၌ ရေနစ်သေဆုံးခြင်း ဖြစ်ကြောင်း သိရှိရပါသည်။
၎င်းသေဆုံးမှုနှင့် ပတ်သက်၍ ဒလမြို့မရဲစခန်း သေမှုသေခင်း အမှတ်စဉ် (၂၂/၂၀၁၄)ဖြင့် ရေးဖွင့်ကာ စုံစမ်းစစ်ဆေး လျက်ရှိကြောင်း သတင်းရရှိပါသည်။
No comments:
Post a Comment