အဲဒီနေ့ မနက်ပုိုင်းက အမှုဖွင့်တာကုို လက်မခံဘဲ ညနေပုိုင်း နောက်တကြိမ် သွားရောက်မှ သေမှု သေခင်း အမှတ် ၁၁/ ၂၀၁၄ နဲ့ အမှုဖွင့်ခွင့်ရတာ လုို့ ဒေါ်သန္တာက ပြောပါတယ်။
ပုဒ်မ ၁၇၆ အရ သေမှုသေခင်း အမှုဖွင့်ပြီး အလောင်း ကို ပြန်လည်ရ ယူနိုင်ဖို့နဲ့ ပြန်လည် စစ်ဆေးနိုင်ဖို့ကို လည်း တောင်းဆိုလိုက်ပါတယ်။
တရားလိုဘက် ကနေ ရှေ့နေ ရောဘတ်ဆန်းအောင်က လိုက်ပါ ကူညီဆောင်ရွက်ပေးနေပါတယ်။
ကုိုပါကြီး ခေါ် ကုိုအောင်ကျော်နုိုင်ဟာ အဖမ်းခံရပြီး ၁ လနီးပါးအကြာမှာ သေဆုံးသွားပြီလို့ အစိုးရတပ်က ထုတ်ပြန်ခဲ့တာပါ။
ကိုပါကြီးဟာ မွန်ပြည်နယ်က တိုက်ပွဲသတင်း လိုက်ရင်းနဲ့ စက်တင်ဘာ ၃၀ ရက်နေ့က ဖမ်းဆီးခံခဲ့ရတာ ဖြစ်ပါတယ်။
သူ့ကုို မြန်မာစစ်တပ်က ဖမ်းဆီးထိန်းသိမ်းထားစဉ် ထွက်ပြေးတဲ့အတွက် ပစ်ခတ်ဖမ်းဆီးရာမှာ သေဆုံးသွားခဲ့တာလို့ အောက်တိုဘာလ ၂၃ ရက် နေ့စွဲနဲ့ မြန်မာဇာနယ်ဇင်းကောင်စီ ယာယီက တဆင့် ဖြန့်ဝေတဲ့ ထုတ်ပြန်ချက်မှာ ရေးသားထားပါတယ်။
No comments:
Post a Comment