သမ္မတဟောင်း မိုဟာမက် မော်ဆီကိုယ်တိုင် ရာထူးကနေ ဖယ်ရှားခံရပြီး အရင်နှစ်ကတည်းက ထိန်းသိမ်းခံနေရတာ ဖြစ်ပါတယ်။
သမ္မတဟောင်းကို ထောက်ခံသူတွေကိုပါ အီဂျစ်အစိုးရက ဖမ်းဆီး အရေးယူမှုတွေ ဆက်တိုက်လုပ်ဆောင်ခဲ့ပါတယ်။
နောက်ဆုံးဖြစ်ရပ်မှာတော့ အသက် ၁၃ နှစ်ကနေ ၁၇ နှစ်ကြားမှာ ရှိတဲ့ လူငယ် ၇၈ ယောက်ကို Mediterranean မြို့ တရားရုံးက ထောင်ဒဏ်ချမှတ်လိုက်တာ ဖြစ်ပါတယ်။
အဲဒီ လူငယ်တွေဟာ တရားမဝင်တော့တဲ့ မွတ်စလင် ညီအစ်ကိုများ ပါတီနဲ့ ပူးပေါင်းပြီး လွန်ခဲ့တဲ့ သုံးလက ဆန္ဒပြမှု ပြုလုပ်တဲ့အတွက် ထောင်ဒဏ်ချမှတ် ခံရတာပါ။
မွတ်စလင်ညီအစ်ကိုများပါတီကို အီဂျစ် အစိုးရက ဒီဇင်ဘာလကစပြီး တရားမဝင် အသင်း၊ အကြမ်းဖက်အသင်းအဖြစ် ကြေညာခဲ့ပြီး ပါတီဝင် ထောင်နဲ့ချီကို ဖမ်းဆီး ထောင်ချခဲ့ပါတယ်။
သမ္မတဟောင်း မိုဟာမက် မော်ဆီကို ထောက်ခံသူ အယောက်ပေါင်း ၁၄၀၀ လောက် သေဆုံးခဲ့ရပြီး လူပေါင်း ၁၅၀၀၀ လောက် ဖမ်းဆီး ထောင်ချခံနေရပါတယ်။
တချို့ဖမ်းဆီးခံရသူတွေကို သေမိန့်ချမှတ်လိုက်ပြီး သမ္မတဟောင်း မော်ဆီအပြင် တခြားလူတွေကလည်း တရားရင်ဆိုင်နေရဆဲ ဖြစ်ပါတယ်။
သူတို့ကို အပြစ်ရှိကြောင်း တွေ့ရှိမယ်ဆိုရင်လည်း သေဒဏ်ချမှတ်နိုင်ပါတယ်။
မွတ်စလင်ညီအစ်ကိုများ ပါတီဝင်တွေကို အစုလိုက် အပြုံလိုက် ဖမ်းဆီးအရေးယူတာတွေနဲ့ ပတ်သက်ပြီး ကုလသမဂ္ဂက လက်ရှိ အီဂျစ်အစိုးရကို ဝေဖန်ထားပါတယ်။
 |
| သမ္မတဟောင်း မိုဟာမက်မော်ဆီကို ထောက်ခံဆန္ဒပြသူများ |
No comments:
Post a Comment