မိုးသည်းထန်စွာ ရွာသွန်းပြီးနောက် မထင်မှတ်ဘဲ ရုတ်တရက် ရေလွှမ်းမိုးခဲ့၍ ယမန်နေ့က မော်ရိုကိုနိုင်ငံ တောင်ပိုင်းတွင် သေဆုံးသူ ၃၂ ဦးအထိ ရှိသွားပြီ ဖြစ်ကာ ၆ ဦးမှာ ပျောက်ဆုံးနေသည်ဟု အာဏာပိုင်များ က ဆိုကြောင်း BBC တွင် ဖော်ပြပါရှိသည်။
တမ်ဆော့မြစ်အတွင်းမှ ရုတ်တရက် စီးဝင်လာသည့် ရေများကြောင့် သေဆုံးခဲ့ရသူများတွင် အသက် ၉ နှစ်အရွယ် မိန်းကလေး တစ်ဦးလည်းပါဝင်ကြောင်း မီဒီယာများတွင် ဖော်ပြထားသည်။
ရွှံ့အုတ်ဖြင့် တည်ဆောက်ထားသည့် အိမ်ပေါင်း ၁၀၀ ခန့် ပျက်စီးသွားပြီး အမျိုးသား လမ်းမကြီး ၆ ခု အပါအ၀င် လမ်းပေါင်း ၁၀၀ ကျော်တို့တွင် ရေများ ဖုံးလွှမ်းနေသည်ဟု အာဏာပိုင်များက ဆိုသည်။
ကမ္ဘာ့လှည့်ခရီးသည်များ အလည်အပတ်များသည့် မော်ရိုကိုနိုင်ငံတွင် ရုတ်တရက် ရေလွှမ်းမိုးမှုမှာ အဖြစ်များသည်။
မာရပ်ကတ်ရှ် ရှေးဟောင်းမြို့ဝန်းကျင်တွင် ရေလွှမ်းမိုးမှုကြောင့် ကမ္ဘာလှည့်ခရီးသွားတို့၏ ဘတ်စ်ကားများ တိမ်းမှောက်ခဲ့ရသည်။
အသက်အန္တရာယ်တွင်း ကျရောက်နေသူ ၂၀၀ ၀န်းကျင်ခန့်ကို ကယ်ဆယ်ရေးများ ဆောင်ရွက်ပေးရပြီး ၎င်းတို့ထဲမှ ၄၀ ဦးခန့်ကို စစ်တပ်နှင့် တော်ဝင်အစောင့်အကြပ် ဟယ်လီကယ်ပတာများက ကယ်ခဲ့ရခြင်း ဖြစ်ကြောင်း ပြည်ထဲရေးဝန်ကြီးဌာန၏ ထုတ်ပြန်ချက်ကို ကိုးကား၍ AFP က ဖော်ပြထားသည်။
ကယ်ဆယ်ရေးယာဉ် အစီး ၁၃၀ ၊ မော်တော် ၃၃၅ စီးတို့ဖြင့် ပျောက်ဆုံးနေသူများကို ဆက်လက်ရှာဖွေနေသည်။
တောင်ပိုင်း မြို့တော် ဂူလ်မင်တွင်လည်း ရေစီးနှင့် မျောပါသွား၍ ၂၄ ဦး သေဆုံးခဲ့ရသည်။
ကားအတွင်း ပိတ်မိနေ၍ သေဆုံးခဲ့သူများလည်း ရှိသည်ဟု မိသားစုဝင်များက ဆိုကြောင်း AP သတင်းဌာက ဆိုသည်။
No comments:
Post a Comment