PR စနစ် လွှတ်တော်မှာ တင်သွင်းစဉ်က ပြည်သူတွေရဲ့ သဘောထား ဆန္ဒမပါပဲ တင်သွင်းခဲ့ တာကြောင့် ကန့်ကွက်ဆန္ဒပြ ရတာဖြစ်ကြောင်း ဒီနေ့ဆန္ဒပြပွဲမှာပါဝင်တဲ့ မြောက်ဥက္ကလာပမှာ နေထိုင်သူ မဝါက ပြောပါတယ်။
"လွှတ်တော်အသံ ပြည်သူ့အသံ ဆိုတဲ့အတိုင်း ပြည်သူတွေရဲ့ဆန္ဒကို ယူပြီးတော့မှ လွှတ်တော်ထဲမှာ တင်သွင်းသင့်တယ်လို့ ကျမတို့ကယူဆတယ်၊ ကျမတို့ မဲဆန္ဒရှင်ပြည်သူတွေအနေနဲ့ ဒီပီအာစနစ် တင်သွင်းတာကို လုံးဝမသိခဲ့ရဘူး၊ မသိပဲနဲ့ သူ့သဘောဆန္ဒနဲ့သူ တင်သွင်းခဲ့တယ်ပေါ့၊ နောက်အခု ပီအာစနစ်ဆိုတာလည်း မြန်မာနိုင်ငံ လက်ရှိပကတိအခြေအနေနဲ့ မသင့်တော်သေးဘူးလို့ ယူဆတဲ့အတွက်ကြောင့်မို့ ကျမတို့ကန့်ကွက်ရတာပါ"
ပြည်သူလူထုနားလည်ရန် ခက်ခဲသော PR စနစ်အလိုမရှိ ၊ ဖက်ဒရယ်ပြည်ထောင်စု ဖော်ဆောင်ရေး PR စနစ် ဖျက်သိမ်းပေးနဲ့ မဲဆန္ဒရှင်ပြည်သူကို အလေးမထား PR တင်သွင်းသူ ဝေးဝေးသွား စတဲ့ဆိုင်းပုဒ်တွေကိုကိုင်ပြီး ကြွေးကြော်ဆန္ဒထုတ်ဖော်ခဲ့ကြပါတယ်။
ဒီနေ့ဆန္ဒပြပွဲကို မြောက်ဥက္ကလာပမြို့နယ် ကျောက်ရေတွင်းကနေ ခေမာသီလမ်းအတိုင်း ကန်သာယာလမ်းဆုံအထိ လမ်းလျှောက်ဆန္ဒပြခဲ့ကြတာပါ။
ပြီးခဲ့တဲ့လက ရွှေပြည်သာ၊ လှိုင်သာယာ၊ တာမွေ၊ ပုဇွန်တောင်နဲ့ ကျောက်တံတား စတဲ့မြို့နယ်တွေမှာ PR ခေါ် အချိုးကျကိုယ်စားပြုစနစ်ကို ကန့်ကွက်ဆန္ဒပြခဲ့ကြပါတယ်။
No comments:
Post a Comment