အသံပါဝါ ကောင်းကောင်းဖြင့် ပရိသတ်တွေ နှစ်သက် အားပေးလျက် ရှိတဲ့ တေးသံရှင်
နီနီခင်ဇော်ဟာ ပြည်ပဖျော်ဖြေရေး ပွဲတွေမှာ ကိုယ့်အမိမြေနဲ့ ခွဲခွာနေရတဲ့
ပရိသတ်တွေ အတွက် နိုင်ငံရဲ့ အငွေ့အသက်လေးတွေ ပါတဲ့ သီချင်းမျိုးတွေကို
ရွေးချယ် သီဆိုမှာ ဖြစ်ကြောင်း ပြောပြ ခဲ့ပါတယ်။
နီနီ စက်တင်ဘာလမှာ
သြစတြေးလျမှာ သွားဆိုဖို့ ရှိပါတယ်။ နီနီအတွက်တော့ ပြည်ပမှာ
သွားဖျော်ဖြေရတာ ပျော်လည်းပျော်သလို ရင်လည်း ခုန်မိပါတယ်။ ပြည်ပမှာ
ရောက်နေတဲ့ သူတွေဟာ ကိုယ့်ရဲ့ အမိမြေကို လွမ်းဆွတ် သတိရနေတဲ့ သူတွေက
များတယ်။ နီနီ သီချင်းတွေ ဆိုတဲ့အခါမှာ နိုင်ငံရဲ့ အငွေ့အသက်များတဲ့
သီချင်းမျိုးလေးတွေကို သီဆို ဖြစ်ပါတယ်။ အခုတစ်ခါ သွားဖျော်ဖြေဖို့
အတွက်ကိုလည်း နီနီ ဆိုနေကျ သီချင်းဟောင်း လေးတွေကို တစ်ဝက်စီ ရွေးထားတယ်။
ဆီးဂိမ်းမှာဆိုခဲ့တဲ့ သီချင်းလေးတွေကိုလည်း ပြန်ဆိုဖို့ စဉ်းစား ထားတယ်။
နီနီရဲ့
မာရီယိုအခွေကို အားပေးတဲ့ ပရိသတ်ကြီးကိုလည်း အရမ်း ကျေးဇူး တင်ပါတယ်။
ကြိုးစား အားထုတ်မှု အတွက် ထိုက်တန်တဲ့ ဆုလာဘ် တစ်ခုလို့လည်း နီနီ ယူဆပါတယ်။
နီနီကတော့ ပရိသတ်ပေးတဲ့ နေရာ တစ်ခုကို လိုချင်ပါတယ်။ အောင်မြင်ဖို့
ဆိုတာထက် အောင်မြင်မှုကို ထိန်းသိမ်းထားနိုင်ဖို့က ပိုခက်ပါတယ်။ ထာဝရ ပရိသတ်
ရှိဖို့လည်း လိုပါတယ်။ အသစ် အသစ်သော အနုပညာရှင်တွေ ကလည်း ခေတ်ရဲ့
ရေစီးကြောင်း ပေါ်မှာ လိုက်လျော ညီထွေ နေတတ်ဖို့ လိုပါတယ်။ ဂီတလမ်းကြောင်းက
နီနီရဲ့ အသက်မွေးဝမ်းကျောင်း အလုပ် ဖြစ်နေတဲ့ အတွက် လွယ်လွယ်နဲ့
ဘယ်အရာကိုမှ မလုပ်ချင်ပါဘူး။
နီနီ အခုလတ်တလော ကြော်ငြာလေးတွေ
ရိုက်နေတဲ့ အပြင် နယ်တွေမှာလည်း သီချင်းတွေ ဆိုဖြစ် နေပါတယ်။
နီနီကိုအားပေးတဲ့ ပရိသတ်တွေ အတွက် နီနီ အကောင်းဆုံး ကြိုးစား သွားမှာ
ပါလို့ ပြောပြ ခဲ့ပါတယ်။ ။
No comments:
Post a Comment