သမ္မတအိုဘားမားဟာ နိုင်ငံ နဲ့ အဖွဲ့အစည်းပေါင်း ၄၀ ကျော်က ကျန်းမာရေးနဲ့ လုံခြုံရေးဆိုင်ရာ ထိပ်တန်းတာဝန်ရှိသူတွေနဲ့ ၀ါရှင်တန်မှာသောကြာနေ့က တွေ့ဆုံခဲ့ပြီး ဒီပြဿနာနဲ့ ပတ်သက်လို့ “ကာကွယ်၊ ထောက်လှမ်း၊ တုံ့ပြန်” ဆိုတဲ့ သူရဲ့ ဗျူဟာကို ရှင်းပြခဲ့ပါတယ်။
ဒါ့အပြင် သောကြာနေ့မှာပဲ အာဖရိကအနောက်ပိုင်းမှာ အီဘိုလာရောဂါကြောင့် သေဆုံးသူအရေအတွက်ဟာ ၃ ထောင်ကျော်သွားပြီလို့လည်း ကမ္ဘာ့ကျန်းမာရေးအဖွဲ့ချုပ် WHO က ပြောပါတယ်။ အဲဒီကြေညာချက်အသစ်မှာတော့ ပြီးခဲ့တဲ့ ၂ ရက်အတွင်း လိုင်ဘေးရီးယားနိုင်ငံမှာ အီဘိုလာရောဂါကြောင့် သေဆုံးသူအရေအတွက်ဟာ ၁၅၀ ကျော်ရှိတယ်လို့ ပြောထားပါတယ်။
အသစ်ထွက်ပေါ်လာတဲ့ နောက်ဆုံးအချက်အလက်တွေက ရောဂါနဲ့ ပတ်သက်တဲ့ အခြေအနေတခုလုံးကို ဖော်ပြနိုင်ချင်မှ ဖော်ပြနိုင်မှာ ဖြစ်ကြောင်း၊ ဒီရောဂါပိုးကူးစက်ခံရသူဟာ ၆,၅၀၀ ထက်မနည်းရှိတယ်လို့ WHO ရဲ့ ကြေညာချက်မှာ ပြောထားပါတယ်။
ရောဂါကူးစက်ခံရသူတွေဟာ ဆေးရုံဆေးခန်းတွေကို လာရမှာကြောက်နေကြတယ်လို့လည်း ဆိုပါတယ်။
 |
| ကမ္ဘာလုံးဆိုင်ရာ ကျန်းမာရေးစောင့်ရှောက်မှုအကြောင်း အိမ်ဖြူတော်မှာ သမ္မတအိုဘားမား ပြောကြားစဉ်။ |
No comments:
Post a Comment