အင်မတန်ပြင်းထန်တဲ့မုန်တိုင်းလို့ အိန္ဒိယမိုးလေဝသဌာနက ဖော်ပြပြောဆိုတဲ့ Hudhud ဆိုင်ကလုန်း မုန်တိုင်းဟာ တနာရီလေပြင်းတိုက်နှုန်း မိုင် ၁၂၀ လောက်နဲ့ Andhra Pradesh ပြည်နယ်ထဲက ရေတပ်အခြေစိုက်စခန်းရှိတဲ့ ဗီဆာကာပတ်တ်နမ် (Visakhapatnam) ဆိပ်ကမ်းမြို့ကို ဗဟိုပြုပြီး တိုက်ခတ်ခဲ့တာပါ။ အဲဒီမြို့မှာ အပျက်အစီးအများဆုံးဖြစ်ပြီး ၃ ယောက်ထက်မနည်းသေဆုံးခဲ့ပါတယ်။
မုန်တိုင်းဝင်လာချိန်မှာ သစ်ပင်တွေ အမြစ်ကနေ ကျွတ်ထွက်၊ လေထဲမှာ ပစ္စည်းတွေဝဲပျံနေတာကို တွေ့ရတယ်လို့ ဒေသခံတွေက ပြောပါတယ်။ မုန်တိုင်းကြောင့် ၆ ပေလောက် အထိ လှိုင်းကြီးနိုင်တဲ့အတွက် ကမ်းရိုးတမ်းဒေသဖက်က မြေနိမ့်ပိုင်းမြို့တွေမှာ ရေကြီးနိုင်တယ်လို့လည်း အိန္ဒိယ မိုးလေဝသ ဌာနက သတိပေးထားပါတယ်။
မုန်တိုင်းလမ်းကြောင်းမှာရှိနေတဲ့ ဆိပ်ကမ်းတွေကို ပိတ်ထားပြီး မီးရထားပြေးဆွဲမှုတွေကိုလည်း ရပ်ထားပါတယ်။ မုန်တိုင်းဝင် မလာခင်ကတည်းက အဲဒီပြည်နယ်နှစ်ခုက မုန်တိုင်းဒဏ်သင့်နိုင်သူ ၄ သိန်းနီးပါးကို ကူညီကယ်ဆယ်ရေးတွေက ဘေးလွတ်ရာကို ပြောင်းရွှေ့ပေးထားပါတယ်။
အခုတော့မုန်တိုင်းဟာ အိန္ဒိယနိုင်ငံ အနောက်မြောက်ဖက်ကို ဦးတည်ဆက်သွားနေပြီး အရှိန်လျော့သွားတယ်လို့ မိုးလေဝသ တာဝန်ရှိသူတွေက ပြောပါတယ်။ အိန္ဒိယနိုင်ငံအရှေ့ပိုင်း မြန်မာနိုင်ငံကတော့ မုန်တိုင်းအန္တရာယ် စိုးရိမ်စရာ မရှိပေမဲ့ ခန့်မှန်းချက်တွေအရ မြန်မာ့ပင်လယ်ပြင်ထဲမှာ လှိုင်းအသင့်အတင့်ကြီးနိုင်ပါတယ်။
 |
| ဘင်္ဂလားပင်လယ် အောက်ကမ်းခြေမှာ တိုက်ခတ်နေတဲ့ အားပြင်း ဆိုင်ကလုံးမုန်တိုင်း။(အောက်တိုဘာ ၁၂၊ ၂၀၁၄) |
No comments:
Post a Comment