အနော်ရထာမင်းကြီး တည်ထားကိုးကွယ်တော် မူခဲ့သော မြစ်သားမြို့နယ်၊ ပြက္ခရွေတောင်ပေါ်ရှိ ပဉ္စမ စွယ်တော်ပွား ပူဇော်သည့်အနေဖြင့် ဆွမ်းလောင်းလှူပွဲကို နှစ်စဉ်ကျင်းပလျှက်ရှိသော်လည်း ယခင်က ကျင်းပခဲ့သည့် မြန်မာ့ရိုးရာ ဒိုးပတ်ပြိုင်ပွဲကို ကျင်းပမှု မရှိခဲ့သည်မှာ ကြာမြှင့်ခဲ့ပြီး ယခုနှစ်တွင်မှ ပြန်လည်စတင် ကျင်းပခဲ့ကြောင်း သိရှိရသည်။
ပြက္ခရွေတောင် ပဉ္စမစွယ်တော်ရှင် ဆွမ်းလောင်းလှူပွဲကြီးကို နှစ်စဉ် သီတင်းကျွတ်လဆန်း (၁၃) ရက်နှင့် (၁၄) ရက်တို့တွင် ကျောက်ဆည်မြို့ ဆင်လှူပွဲတော်ကြီးနှင့်အတူ ကျင်းပလေ့ရှိရာ အနော်ရထာမင်းကြီး တည်ဆောက်ခဲ့သော ကင်းတားဆည်ရေသောက် နယ်မြေများမှ ဒေသခံပြည်သူများ တက်ရောက် ပူဇော်ကြသည်။
ယခင်က တောင်ပေါ်အတက် မောနားတွင် အမျိုးသားများက ဒိုးပတ်ဝိုင်များ တီးမှုတ်ကြပြီး ဆွမ်းလောင်းလာ အမျိုးသမီးများက ကခုန်ကြကာ အပြိုင်တီးမုတ် ကခုန်ကြရင်း ဒိုးပတ်ပြိုင်ပွဲများ ကျင်းပခဲ့ခြင်းဖြစ်ကြောင်း သိရသည်။
ယခုနှစ် မြန်မာ့ရိုးရာ ဒိုးပတ်ပြိုင်ပွဲ ကျင်းပနိုင်ရေးအတွက် ကျောက်ဆည်အသင်း(ရန်ကုန်)မှ မတည်လှူဒါန်း ငွေ (၅) သိန်းကျပ်ဖြင့် ဒေသခံများမှ လှူဒါန်းငွေဖြင့် ပြိုင်ပွဲကျင်းပနိုင်ရေးလုပ်ဆောင်ခဲ့ပြီး ပြိုင်ပွဲကို မြစ်သားမြို့နယ်နှင့် ဝမ်းတွင်း မြို့နယ်များမှ ကင်းတားဆည်ရေသောက် ကျေးရွာများကို ဖိတ်ခေါ်ယှဉ်ပြိုင်ခဲ့ရာ ဒိုးပတ်ပြိုင်ပွဲဝင်အသင်းပေါင်း (၁၉) သင်း ပါဝင်ယှဉ်ပြိုင်ခဲ့ကြကြောင်း သိရသည်။
No comments:
Post a Comment