ဒီကိစ္စနဲ့ပတ်သက်ပြီး အမှုကို ကူညီဆောင်ရွက်ပေးနေတဲ့ မြန်မာကိုယ်စားလှယ်အဖွဲ့က ရှေ့နေ ဦးအောင်မျိုးသန့်က အခုလို ပြောပါတယ်။
"တရားရုံးတင်ရန် အာမခံလျှောက်ခွင့်ရှိတယ်၊ ကျနော်တို့က အာမခံလျှောက်ဖို့ စဉ်းစားထားပါတယ်၊ အာမခံရရင်လည်း တစ်ယောက်ကို ၁ဝ သိန်းဆိုရင် နှစ်ယောက်ကို သိန်း ၂ဝ လိုမှာပါ၊ ထိုင်းလုပ်ငန်းရှင်တွေအနေနဲ့ ပါဝင်ပြီးတော့ ကူညီမယ်လို့ကြားပါတယ်"
လူသတ်မှုနဲ့ ပတ်သက်ပြီး ရိုက်နှက်နှိပ်စက်လို့ ဝန်ခံခဲ့ရကြောင်း ကိုဝင်းဇော်ထွန်းနဲ့ ကိုဇော်လင်းတို့ရဲ့ ပြောကြားချက်တွေ ဘန်ကောက်မြို့က ဗဟိုအစိုးရရှေ့နေရုံးကို မနက်ဖြန် တင်ပြမယ်လို့လည်း ပြောပါတယ်။
ထိုင်းရဲတွေက ခရိုင်တရားရုံးကို အမှုတွဲတင်ရက်မှာ မြန်မာအထူးအဖွဲ့ကလဲ အမှုအတွက် စုဆောင်းရရှိထားတဲ့ သတင်းအချက်အလက်တွေကို တင်ပြဖို့ စီစဉ်နေပါတယ်။
ဒီကနေ့မှာပဲ ထိုင်းအမျိုးသား လူ့အခွင့်အရေးကော်မတီအဖွဲ့က ဒေါက်တာ Nirund Pitakwatchara က ဓါတ်မှန်စစ်ဆေးချက်တွေအရ လူသတ်မှုနဲ့ ဖမ်းဆီးခံနေရသူနှစ်ဦးဟာ ရိုက်နှက်နှိပ်စက်ခံထားရတဲ့ လက္ခဏာမတွေ့ရဘူးလို့ ပြောကြောင်း နေးရှင်းသတင်းစာက ရေးသားပါတယ်။
No comments:
Post a Comment