အီရန်ရဲ့ နျူကလီးယားအရေး ဆွေးနွေးပွဲတွေကို နောက်နှစ်လည်အထိ ဆက်လုပ်သွားဖို့ အီရန်နဲ့ ကမ္ဘာ့အင်အားကြီး နိုင်ငံတွေ သဘောတူလိုက်ပြီးတဲ့နောက်မှာ အခုလို သူ့ရဲ့အင်တာနက် ၀ပ်ဆိုဒ်မှာ ဒီကနေ့ တင်ထားတဲ့ မှတ်ချက်က မစ္စတာ Khamenei ရဲ့ ပထမဆုံး ထွက်လာတဲ့ မှတ်ချက်ဖြစ်ပါတယ်။
အီရန်နိုင်ငံရဲ့ စီးပွားရေးကို ထိခိုက်စေတဲ့ အရေးယူ ပိတ်ဆို့မှုတွေကို ဖြေလျှော့ပေးဖို့အတွက် အီရန်ရဲ့ နျူကလီးယား အစီအစဉ်ဟာ ငြိမ်းချမ်းတဲ့ ရည်ရွယ်ချက်နဲ့ လုပ်ဆောင်တာပါဆိုတာ သေချာစေမယ့် သဘောတူညီချက်တရပ် နှစ်ဘက်ကြား ညှိနှိုင်းခဲ့တာမှာ မအောင်မြင်လို့ အခုလို ရက်တိုးရတာ ဖြစ်ပါတယ်။
အမေရိကန်၊ ဗြိတိန်၊ တရုတ်၊ ပြင်သစ်၊ ရုရှားနဲ့ ဂျာမနီ နိုင်ငံတို့ပါဝင်တဲ့ P-5 puls 1 အဖွဲ့နဲ့ အီရန်တို့ဟာ ကာလရှည်ကြာ ညှိနှိုင်းလာခဲ့တဲ့ ဒီကိစ္စမှာ အရင်တုန်းတွေကထက် ပိုနီးစပ်လာပြီလို့ အမေရိကန် နိုင်ငံခြားရေးဝန်ကြီး John Kerry က ပြောပါတယ်။ ဖြေရှင်းလို့မရသေးတဲ့ အခက်ခဲဆုံး ကိစ္စရပ်တချို့ ဆိုတာတွေမှာ တိုးတက်မှုရှိတယ်လို့ မစ္စတာ Kerry က ပြောပါတယ်။
 |
| အီရန်ခေါင်းဆောင်ကြီး Ayatollah Ali Khamenei |
No comments:
Post a Comment