.jpg)
ကျောင်းသားတစ်ဦးကို ငွေကျပ် နှစ်ထောင်နဲ့ အိမ်ထောင်စုတစ်စုကို ငွေကျပ် သုံးထောင်ကနေ တစ်သောင်းခွဲအထိ ပေးရတယ်လို့ ဒေသခံ ဦးမျိုးမြင့်အောင်က ပြောပါတယ်။
"ကျောင်းတွေမှာ ကောက်တာမဟုတ်ဘူးခင်ဗျ၊ သူတို့ကအိမ်မှာ လာကောက်တယ်၊ အိမ်ထဲမှာ ကျောင်းသားတစ်ယောက်ကို နှစ်ထောင်ထည့်ရတယ်၊ သုံးယောက်ရှိလို့ရှိရင် လေးထောင်၊ နှစ်ယောက်ရှိလို့ရှိရင် သုံးထောင်ကောက်တယ်၊ ဒါကကျောင်းသားတွေကို ကောက်တာ၊ အိမ်ထောင်စုတွေကျတော့ တတ်နိုင်တဲ့အခြေအနေပေါ်မူတည်ပြီး အနည်းဆုံး သုံးထောင်ကနေပြီးတော့ တစ်သောင်းခွဲလောက်အထိကောက်တယ်"
သနပ်ပင်မြို့နယ် ပြည်သူ့လွှတ်တော် ကိုယ်စားလှယ် ဦးမြင့်ဦးကလည်း အဲဒီ့ကျောင်းဆောင်ကို အစိုးရဘတ်ဂျက်ငွေနဲ့ ဆောက်လုပ်ခဲ့တာမဟုတ်ဘဲ ဒေသခံတွေရဲ့ လှူဒါန်းငွေနဲ့ တည်ဆောက်ခဲ့တာဖြစ်တယ်လို့ ပြောပါတယ်။
"ကျုံပါချောင်းဝကျေးရွာက အလက ကနေပြီးတော့ အထကခွဲ အဖြစ် တိုးမြင့်ခြင်းခံရတာ၊ အဲဒီ့မှာ ကျောင်းဆောင်နဲ့ ကျောင်းသားမမျှတဲ့အခါကျတော့ ရပ်မိရပ်ဖတွေက သူတို့တွေရဲ့ငွေနဲ့ အရပ်ကစုပြီးတော့ ကျောင်းဆောင်လေးတစ်ဆောင်ဆောက်တယ်၊ ဆောက်တဲ့အခါကျတော့ မနှစ်က သိန်းတစ်ထောင် ဖွံ့ဖြိုးရေးကို ဆယ့်ငါးသိန်း ချပေးလိုက်တာပေါ့လေ၊ အဲ့ကျောင်းဆောင်လေးကို ဖွင့်ပွဲလုပ်မှာပေါ့၊ ပဲခူးတိုင်းဒေသကြီး အစိုးရအဖွဲ့ဝင်ကြီးချုပ် ဦးဉာဏ်ဝင်းက တက်ရောက်ဖွင့်လှစ်ပေးမယ်လို့ သိရတယ်၊ ဖွင့်ပွဲဧည့်ခံကြေးဆိုပြီးတော့ မထည့်မနေရ သူတို့ကောက်ခံတယ်"
သနပ်ပင်မြို့နယ်မှာ စာသင်ကျောင်း ၁၁ ကျောင်းရှိပြီး ကျုံပါချောင်းဝကျေးရွာက အထက်တန်းကျောင်းမှာ ကျောင်းသား ကျောင်းသူဦးရေ ၄ဝဝ ကျော် ရှိတယ်လို့ သိရပါတယ်။
ဒီသတင်းနဲ့ပတ်သက်ပြီး ကျောင်းအုပ်ချုပ်ရေးအဖွဲ့နဲ့ သက်ဆိုင်ရာ အာဏာပိုင်တွေထံက ဖြေရှင်းချက်ရရှိဖို့ RFA က ကြိုးစားနေဆဲဖြစ်ပါတယ်။
No comments:
Post a Comment