၂၈.၉.၂၀၁၄ရက်နေ့ ၂၀၀၀အချိန်ခန့်တွင် တိုက်ကြီးမြို့နယ်၊ ဥက္ကံနယ်မြေရဲစခန်းမှ တပ်ဖွဲ့ဝင်များသည် ဥက္ကံမြို့၊ ရန်ကုန်-ပြည်ကားလမ်း ဘေးရှိ ဓမ္မာရုံဘုန်းကြီး ကျောင်းဘေးတွင် အမျိုးသားတစ်ဦး သေဆုံး နေကြောင်း သတင်းအရသွားရောက် စစ်ဆေးခဲ့ပါသည်။
ထိုသို့စစ်ဆေးခဲ့ရာ သေဆုံးသူမှာ တိုက်ကြီးမြို့နယ်၊ ဥက္ကံမြို့နေ ကိုနိုင်ဦး (၃၂)နှစ်၊ ဖြစ်ပြီး ၎င်းတွင် နဖူးရိုးကျိုးဒဏ်ရာ၊ ဝဲပါးနှင့် ဝဲမျက်လုံးပိန်ချိုင့်ဒဏ်ရာ၊ ယာဦးခေါင်း နောက်ဘက်ကွဲဒဏ်ရာ၊ ယာခြေသလုံး၊ ယာလက်ပွန်းခြစ်ဒဏ်ရာများရရှိကာ သေဆုံးနေသည်ကိုတွေ့ရပြီး ယာဉ်တိုက်ခံရသဖြင့် ဒဏ်ရာရသေဆုံးခြင်း ဖြစ်ကြောင်း စုံစမ်းသိရှိရပါသည်။
ယင်းကဲ့သို့ ယာဉ်တိုက်မှုဖြစ်ပွားခဲ့ပြီး မောင်းနှင်ထွက်ပြေးသွားသူ ယာဉ်မောင်းအား ဥက္ကံနယ်မြေ ရဲစခန်းယာဉ်(ပ)၂၅/၂၀၁၄၊ ပြစ်မှုပုဒ်မ၃၀၄-ကဖြင့် အမှုဖွင့်အရေးယူကာ စုံစမ်းဆောင်ရွက်လျက်ရှိကြောင်း သတင်းရရှိပါသည်။
No comments:
Post a Comment