မြ၀တီ-ကော့ကရိတ် ဒေါနတောင်ကျော် ကားလမ်းပေါ်မှာ မနေ့မနက်ပိုင်းက လက်နက်ကြီးကျလို့ ခရီးသွား ၄ ဦးသေဆုံးပြီး ၁၀ ဦး ဒဏ်ရာရရှိတဲ့ ဖြစ်စဉ် ဖြစ်ပွားခဲ့ပေမဲ့ ယာဉ်တန်း အတက်အဆင်း ကတော့ ပုံမှန် ပြေးဆွဲ လျှက်ရှိပါတယ်။
ဒီနေ့ယာဉ်တန်းအတက်နေ့မှာ ဘားအံကနေတက်လာတဲ့ စောအဒီးက" ဒီနေ့တက်လာတာ ဘာမှတော့မဖြစ်ဘူး ကံကောင်းတယ်ဘဲ ပြောရမယ် မတတ်နိုင်ဘူးလေ ကိုယ်အပူနဲ့ကိုယ်ဆိုတော့ ကံတရားလို့ဘဲ သဘောထားလိုက်တယ်"လို့ဆိုပါတယ်။
ဒီနေ့ယာဉ်တန်း အတက်နေ့မှာခါတိုင်းလိုဘဲ ခရီးသွားတွေပုံမှန်အတိုင်းပါဘဲ ဆိုပြီး ဒီလမ်းမှာပြေးဆွဲတဲ့ ကားသမားတဦးကဆိုပါတယ်။
ယာဉ်မောင်းတဦးဖြစ်တဲ့ ကိုအောင်ကတော့" မနေ့ကဖြစ်တာ ကျနော်တို့နဲ့ မနီးမဝေးမှာဘဲ မှာဘဲဖြစ်သွားတာပါ ကျနော်ထင်ပါတယ် စစ်တပ်ကိုပစ်တာ လိုရာမရောက်ဘဲ ခရီးသည်တွေထိသွားတာနဲ့တူပါတယ် ဘယ်သူဘဲဖြစ်ဖြစ်ပေါ့လေ ဒါမျိုးကမလုပ်အပ်ဘူးလေ တွေ့ဘူးတာတွေပြောရမယ်ဆိုရင် စစ်တပ်ကဘဲပစ်ပစ် သူပုန်တွေကဘဲပစ်ပစ် တလွဲတချော်တွေကြီးဘဲ ကြည့်ရတာဒီလူတွေ သင်တန်းကောင်းကောင်း မတက်ရဘူးနဲ့တူတယ်" ဆိုပြီး သူ့ထင်မြင်ချက်ကိုပြောဆိုပါတယ်။
ဒီဖြစ်စဉ်ကြောင့် နယ်စပ်ကုန်သွယ်ရေးလုပ်ငန်းကို ထိခိုက်မှုမရှိဘဲ ပုံမှန်ကုန်သွယ်မှုတွေ စီဆင်းနေပါတယ်။
ကုန်သည်တဦးကတော့ " လူတွေကကိုယ့်အပူနဲ့ကိုယ် သွားလာလုပ်ရှားနေကြရတယ် ချ ချင်ရင်သူတို့အချင်းချင်းချပေါ့ ဘာလို့မဆီမဆိုင် အရပ်သားတွေကို လာလုပ်ရတာလဲ ဘယ်သူဘဲလုပ်လုပ် သူတို့ကိုပြောချင်တယ် ကံကံရဲ့အကျိုးဆိုတာရှိတယ် မယုံမရှိနဲ့လို့ဆိုပါတယ်။
ဒီလမ်းပေါ်မှာ ပြေးဆွဲနေတဲ့ ယာဉ်ကြီးယာဉ်ငယ်အသွယ်သွယ်က နေ့စဉ်အစီးရေ (၈၀၀) အထက်မှာရှိတယ်ဆိုပြီး သင်္ကန်းညီနောင်မှာ အဲဒီကားတွေကိုပိုက်ဆံကောက်တဲ့ ဂိတ်က လူငယ်တဦးကဆိုပါတယ်။
် ။
ပုံစာ - မနေ့ကလက်နက်ကြီးကျလို့ ဒဏ်ရာရရှိသွားတဲ့လူတွေကို ကော့ကရိတ်ဆေးရုံမှာ တွေ့ရတာပါ။
No comments:
Post a Comment