ကိုဝင်းဇော်ထွန်းရဲ့ဖခင် ဦးထွန်းထွန်းထိုက်က ဒီလူသတ်မှုနဲ့ ပတ်သက်တဲ့ တရားခံ အစစ်အမှန်ကို သက်ဆိုင်ရာ တာဝန်ရှိ သူတွေ အနေနဲ့ အမြန်ဆုံး ဖော်ထုတ်ပေးစေ လိုပါတယ်လို့ မင်္ဂလာဒုံ လေဆိပ်ကို ဒီနေ့ရောက်ရှိ လာချိန်မှာ ပြောကြား ခဲ့ပါတယ်။
"ကျနော့်သားရဲ့ အကျင့်စရိုက်ကို ငယ်ငယ်လေးကတည်းက ကျနော်သိတာပေါ့၊ ဒီနေ့ ကမ္ဘာအရပ်ရပ်က ဝေဖန်သုံးသပ်နေတာတွေ တွေ့မြင်နေရတာတွေ မဖြစ်နိုင်ဘူးလို့ သက်ဆိုင်ရာ တာဝန်ရှိသူတွေကို ကျနော်တို့ အမှန်ဆုံးနည်းလမ်းနဲ့ မြန်မြန်ဆန်ဆန်လေး အမှုမှန်ပေါ်ပေါက်အောင်လို့ ကျနော့်သား အခုမဟုတ်ပဲနဲ့ ခံနေရတာ၊ တရားခံအစစ်အမှန်ကို ရှာဖွေပေးပါလို့ ကျနော်တောင်းဆိုချင်ပါတယ်"
ဖမ်းဆီးခံထားရသူ နှစ်ဦးရဲ့ မိသားစုဝင်တွေဟာ ရခိုင်ကွန်ရက်ရဲ့ အကူအညီနဲ့ ရခိုင်ပြည်နယ် ကျောက်ဖြူကနေ ရန်ကုန်မြို့ကို ရောက်ရှိလာတာဖြစ်ပါတယ်။ နိုင်ငံကူးလက်မှတ်အပါအဝင် လိုအပ်တာတွေကို ပြင်ဆင်ပြီး ထိုင်းနိုင်ငံမှာ ဖမ်းဆီးခံထားရတဲ့ မိသားစုဝင်တွေကို သွားရောက်တွေ့ဆုံမယ်လို့ သိရပါတယ်။
ထိုင်းနိုင်ငံတောင်ပိုင်း ဆူရတ်ဌာနီခရိုင်က လိပ်ကျွန်း (ခေါ်) ခိုတောင်းကျွန်းမှာ ပြီးခဲ့တဲ့ စက်တင်ဘာလ ၁၅ ရက်နေ့က ဗြိတိန်နိုင်ငံသား ၂ ဦး သတ်ဖြတ်ခံရမှုနဲ့ ပတ်သက်ပြီး ကိုဝင်းဇော်ထွန်းနဲ့ ကိုဇော်လင်းတို့ကို ထိုင်းရဲတပ်ဖွဲ့က တရားစွဲဖို့ ပြင်ဆင်နေပါတယ်။
No comments:
Post a Comment