.jpg)
““လစဉ် စည်းကမ်းမဲ့ယာဉ်မောင်း တွေများနေလို့ ဖမ်းဆီးမှုလည်း များနေတာဖြစ်ပါတယ်။ ဒီဖမ်းဆီးမှုတွေပပျောက်အောင် စည်းကမ်းမဲ့ယာဉ်မောင်းတွေကို အနီးကပ် ထိန်းသိမ်းရတဲ့ မိဘအုပ်ထိန်းသူ၊ ယာဉ်ပိုင်ရှင်တွေအနေနဲ့ ကြပ်မတ်ပေးသင့်ပါတယ်””ဟု အမှတ် ၂ ယာဉ်ထိန်းရဲတပ်ခွဲမှူးရုံးမှ ရဲအုပ်အောင်မျိုးလွင် က ပြောကြားသည်။
စည်းကမ်းမဲ့ယာဉ်မောင်းများအား လိုင်စင်ပိတ်သိမ်း အရေးယူမှုကို ဇူလိုင်လ ၁၁ ရက်နေ့မှ စတင်ခဲ့ခြင်းဖြစ်ပြီး လက်ရှိ အောက်တိုဘာလ ၂၃ ရက်နေ့အထိ စည်းကမ်းမဲ့မောင်းနှင်သည့်ယာဉ်မောင်း ၄၃၇၁ ဦးအား ယာဉ်မောင်းလိုင်စင်ပိတ်သိမ်း အရေးယူခဲ့ခြင်းဖြစ်ကြောင်း သိရသည်။
အဆိုပါ လိုင်စင်ပိတ်သိမ်းအရေးယူ ခဲ့သည့် စည်းကမ်းမဲ့ယာဉ်မောင်းများသည် ကိုယ်ပိုင်ယာဉ်နှင့် အငှားယာဉ်များ အများဆုံးပါဝင်ကြောင်းနှင့် ခရီးသည်တင်ယာဉ်၊ အငှားကုန်တင်ယာဉ် စသည်ယာဉ်များလည်း ပါဝင်ကြောင်း ရဲအုပ်အောင်မျိုးလွင်က ပြောသည်။
လိုင်စင်ပိတ်သိမ်းအရေးယူခံရသည့် ယာဉ်မောင်းများသည် ယာဉ်အား မီးနီဖြတ်မောင်းခြင်း၊ လမ်းပြောင်းပြန်မောင်းနှင်ခြင်း၊ ခရီးသည်ယာဉ်နောက်တွယ်ခြင်း၊ ယာဉ်နှစ်ထပ်ရပ်ခြင်း၊ မီးပွိုင့်တွင် လူ အတင်အချလုပ်ခြင်း၊ စတေကာကပ်ခြင်း၊ ကြားဆွဲခြင်း၊ ဟွန်းရှည်တီးခြင်း၊ ယာဉ်မ၀င်ရလမ်းဝင်ခြင်း၊ ကွန်တိန်နာလော့မချခြင်း၊ စက်ပြက်ယာဉ်လမ်းမရွေ့ခြင်း၊ ယာဉ်မရပ်လမ်း ရပ်ခြင်း စသည့် စည်းကမ်းချက် များအား ချိုးဖောက်ခဲ့ခြင်းကြောင့် လိုင်စင်ပိတ်သိမ်းအရေးယူခဲ့ခြင်းဖြစ်ကြောင်း သိရသည်။
ဇူလိုင် ၁၁ ရက်နေ့တွင် ရန်ကုန်တိုင်းဒေသကြီးအစိုးရအဖွဲ့မှ စီမံချက်ချ ဆောင်ရွက်ခဲ့ခြင်းဖြစ်ပြီး ယာဉ်စည်းကမ်း များအား ချိုးဖောက်ပါက ဖမ်းဆီးပြီး ပြစ်မှုပြစ်ဒဏ်များအလိုက် ၆ လမှ ၄ နှစ် အထိ ယာဉ်မောင်းလိုင်စင်ပိတ်သိမ်းသည် အထိ ချမှတ်ကာ ဆောင်ရွက်ခဲ့ခြင်းဖြစ် ကြောင်း သိရသည်။
ယာဉ်စည်းကမ်းချိုး ဖောက်၍ လိုင်စင်ပိတ်သိမ်း အရေးယူ သည့်အမှုတွင် ၇ လပိုင်းနှင့် ၈ လပိုင်းတွင် ၁၉၅၃ မှု၊ ၉ လပိုင်းတွင် ၁၄၁၈ မှုနှင့် ၁၀ လပိုင်း ၂၃ ရက်နေ့အထိတွင် ၁၀၀၀ မှုအထိ ရှိခဲ့ဖြစ်ကြောင်း သိရသည်။
No comments:
Post a Comment