.jpg)
ချေးငွေချေးယူရာမှာ လုပ်ငန်းအဆင့်ဆင့် ကျော်ဖြတ်ရတာကြောင့် အချိန်ကြာတာ ဖြစ်တယ်လို့ ပြည်ထောင်စု ၀န်ကြီး ဦးဝင်းရှိန်က ပြောပါတယ်။
" ကျွန်တော်တို့ နိုင်ငံအနေအထားအရ လိုငွေပြနေတဲ့ ဘတ်ချက်ဖြစ်တဲ့အတွက် နိုင်ငံဖွံ့ဖြိုးတိုးတက်မှုကို သက်သာသောချေးငွေများ ရယူဆောင်ရွက်ခြင်းဟာ ကျွန်တော်တို့ နိုင်ငံတစ်ခုတည်းမဟုတ်ပါဘူး၊ နိုင်ငံအားလုံးက ကမ္ဘာနိုင်ငံ အစုံက ဆောင်ရွက်နေတဲ့ အနေအထားဖြစ်ပါတယ်၊ အဲ့အတော့ အခုယူတဲ့ ချေးငွေတွေ တကယ်တမ်းပြောမယ်ဆိုရင် အခုပြီးခဲ့တဲ့ ပြည်ထောင်စု လွှတ်တော်မှာ ချေးငွေလေးခု အတည်ပြုခဲ့ပါတယ်၊ ချေးငွေလေးခုဟာ ဒီအစိုးရ သက်တမ်းမှာ ရမလားဆိုတာ မသေချာပါဘူး၊ ဒါတွေဟာ နောင်ဆက်လက် ဆောင်ရွက်သွားရမယ့် လုပ်ငန်းတွေဖြစ်ပါတယ်၊ ဥပမာ သန်းတစ်ရာယူမယ်ဆိုရင် တစ်နှစ်ကို သန်းတစ်ရာပုံပေးလိုက်တဲ့ အနေအထားမဟုတ်ပါဘူး၊ ဒီဟာသည် အပိုင်းလိုက် အပိုင်းလိုက် ခွဲဝေ သတ်မှတ်ပေးတဲ့ အနေအထားဖြစ်ပါတယ်"
မြန်မာနိုင်ငံရဲ့ ပြည်ပကြွေးမြီ ပမာဏဟာ မတ်လ ၃၁ ရက်နေ့အထိ စာရင်းများအရ အမေရိကန်ဒေါ်လာ သန်းတစ်သောင်းနီးပါး ရှိတယ်လို့ သိရပါတယ်။
ဒါ့အပြင် ၀န်ကြီးဌာနတွေ အလိုက် ပြည်ပက ချေးငွေ ရယူနေတာလည်းရှိပြီး အမျိုးသားစီမံကိန်းနဲ့ စီးပွားရေးဝန်ကြီးဌာနက စီစစ်ဆောင်ရွက်ပေးနေတယ်လို့ ဆိုပါတယ်။
ကမ္ဘာ့ဘဏ်၊ အာရှဖွံဖြိုးရေးဘဏ်၊ ပဲရစ်ကလပ် စတဲ့ အဖွဲ့အစည်းတွေကနေ မြန်မာနိုင်ငံက တင်ရှိနေတဲ့ ခေတ်အဆက်ဆက် ကြွေးမြီတွေကို ပြီးခဲ့တဲ့ ၂၀၁၃ ခုနှစ်မှာ ရှင်းလင်းပေးဆပ်ခဲ့ပြီးနောက် ချေးငွေတွေ အခုလိုထပ်မံရရှိခဲ့တာဖြစ်တယ်လို့ သိရပါတယ်။
ဒီနေ့ သတင်းစာရှင်းလင်းပွဲကို နိုင်ငံတော် သမ္မတရုံး ပြည်ထောင်စု ၀န်ကြီး ဦးစိုးသိန်း၊ ဘဏ္ဍာရေး ၀န်ကြီးဌာန ပြည်ထောင်စု ၀န်ကြီး ဦးဝင်းရှိန်နဲ့ အမျိုးသား စီမံကိန်းနဲ့ စီးပွားရေးဝန်ကြီးဌာန ပြည်ထောင်စုဝန်ကြီး ဒေါက်တာကံဇော်တို့ ဦးဆောင်ဖြေကြားခဲ့ကြပါတယ်။
No comments:
Post a Comment