.jpg)
တူရကီ ရဲတပ်ဖွဲ့သည် နိုင်ငံ အရှေ့ တောင်ပိုင်းရှိ ဂါဇီယန်တက်ပ် ပြည်နယ် အတွင်း၌ ISIS စစ်သွေးကြွများ ပိုင်ဆိုင်သည်ဟု ယူဆရသည့် လက်နက်ခဲယမ်း အများအပြားကို ယမန်နေ့တွင် သိမ်းဆည်းရမိ ခဲ့ကြောင်း
သိရသည်။
အဆိုပါ သိမ်းဆည်း ရမိခဲ့သည့် လက်နက်ခဲယမ်း များသည် နိုင်ငံအတွင်း ရှာဖွေတွေ့ရှိ ခဲ့သမျှ အများဆုံး ဖြစ်ကြောင်း နှင့် ယင်း လက်နက်ခဲယမ်း များ၌ C4 ဖောက်ခွဲရေး ပစ္စည်း ကီလို ၁၅ဝ အပါအဝင် သေနတ်များ နှင့် ကျည်ဆန်များ အပြင် အသေခံ တိုက်ခိုက်ရာတွင် အသုံးပြုသည့် ဝတ်စုံ ၂ဝ တို့ ပါဝင်ကြောင်း သိရသည်။
ယင်း လက်နက်ခဲယမ်း များကို သတင်းပေးချက် များအရ ရဲတပ်ဖွဲ့ က ဝင်ရောက် ရှာဖွေခဲ့ရာမှတွေ့ရှိခဲ့ခြင်း ဖြစ်ပြီး ယင်း နောက်ပိုင်းတွင် အာဏာပိုင် များသည် မြို့တော် အန်ကာရာ နှင့် အစ္စတန်ဘူလ် တို့တွင် လုံခြုံရေးကို တိုးမြှင့် ချထားခဲ့ ရကြောင်း သိရသည်။
လက်ရှိ အချိန်တွင် ISIS စစ်သွေးကြွ များသည် ဆီးရီးယားနှင့် တူရကီ နိုင်ငံနယ်စပ်ရှိ ကိုဘာနီမြို့၏ အချို့ ဒေသများကို သိမ်းပိုက်ထားပြီး နိုင်ငံအတွင်းရှိ အခြားဒေသ များတွင်လည်း တိုက်ခိုက်မှု များကို ဆက်လက် လုပ်ဆောင်လျက် ရှိကြောင်း သိရသည်။
ကိုဘာနီမြို့ကို တိုက်ခိုက် နေသည့် စစ်သွေးကြွ များကို အမေရိကန် ပြည်ထောင်စုမှ ဦးဆောင်သည့် ညွန့်ပေါင်းအဖွဲ့က လေကြောင်းမှ တိုက်ခိုက်လျက် ရှိသော်လည်း ၄င်း စစ်သွေးကြွ များသည် ယခုအခါ ယင်းမြို့အနီးရှိ ဒေသ အများအပြားကို သိမ်းယူထားပြီး ဖြစ်ကြောင်း သိရသည်။
No comments:
Post a Comment