.jpg)
ဟောင်ကောင်မှာ ဒီမိုကရေစီ တောင်းဆိုမှုဟာ တခြားမြို့တွေဆီကို ကူးစက်သွားမှာကို စိုးရိမ်နေတဲ့ တရုတ်ကွန်မြူနစ် ခေါင်းဆောင်တွေ အတွက်လည်း ကြီးမားတဲ့ စိန်ခေါ်မှုတခု ဖြစ်ပါတယ်။ ရဲတွေက ရာဘာ ကျည်ဆံတွေကို သုံးလာနိုင်လို့ ကျောင်းသားတွေ၊ ဆန္ဒပြခေါင်းဆောင်တွေက သတိပေးနေပေမယ့် ဆန္ဒပြသမား ထောင်နဲ့ ချီပြီး အစိုးရအဆောက်အအုံနားမှာ ဆက်ရှိပါတယ်။ ရဲအဖွဲ့ကလည်း နေရာငါးနေရာမှာ တန်းစီ စောင့်နေပါတယ်။ အစောပိုင်းမှာ ရဲက ဆန္ဒပြသမားတွေကို ငရုပ်ကောင်းရည်တွေနဲ့ ဖြန်းပြီး လူစုခွဲဖို့ ကြိုးစားသလို၊ မျက်ရည်ယိုဗုံးတွေကို လေထဲမှာ ဖောက်ခွဲခဲ့ပါတယ်၊ ဆန္ဒပြသမားတွေက ထီးတွေနဲ့ အကာအကွယ်ယူခဲ့ကြပါတယ်။
ဗြိတိသျှတွေက ဟောင်ကောင်ကို တရုတ်ပြည်လက်ထဲ ပြန်လွှဲပေးတဲ့ အချိန်ကစလို့ တနိုင်ငံ စနစ်နှစ်မျိုး မူဝါဒကို ကျင့်သုံးပါတယ်။ တရုတ်ပြည်မကြီးမှာ ပြည်သူတွေ မရတဲ့ လွတ်လပ်မှု ရေချိန်ကို ဟောင်ကောင်ပြည်သူတွေက ရရှိခဲ့သလို အချိန်တန်ရင် အရွယ်ရောက်သူတိုင်း မဲပေးခွင့် ရစေရမယ်ဆိုတဲ့ ကတိက၀တ်လည်း ရှိခဲ့ပါတယ်။ ဒါပေမယ် လာမယ့် ဟောင်ကောင် အုပ်ချုပ်ရေးမှူး ရွေးချယ်ပွဲမှာ ပြည်သူတွေက လွတ်လွတ်လပ်လပ်ရွေးချယ်ခွင့်ကို တရုတ်ပြည်မကြီးက ပယ်ချလိုက်တဲ့အတွက် ဆန္ဒပြပွဲတွေ ပေါ်ပေါက်နေတာ ဖြစ်ပါတယ်။
No comments:
Post a Comment