.jpg)
““၂၀ ရက်နေ့လောက်ကစပြီး ဈေးလှုပ်တာပေါ့။ ငွေဈေးတက်လာတာ ဘာကြောင့်ထင်လဲဆိုတာတော့ သေချာ မသိဘူး။ ရွှေဈေးကျ လို့ ဒေါ်လာဈေးတက်တယ် ဆိုတာလောက်ပဲ သိတယ်။ ဗဟိုဘဏ်က ဘယ်ဈေးရှိတယ်။ အပေါ်မှာ သူတို့က လေလံထိုင်ပြီး အရောင်းအ၀ယ် လုပ်တာပေါ့။ အဲဒါကိုမှ တက်လာတဲ့ဈေးနှုန်းကို သိမ်ဖြူ ငွေလဲကောင်တာက ဒီဈေးနှုန်းကို ကြည့်ပြီး ဘယ်လောက်အနေအထား ဘယ်ဈေးနှုန်းခွာ ရမယ်ဆိုတာ ဗဟိုက အစိုးရ လုပ်ခိုင်းတဲ့ ဘောင်ထဲမှာပဲ လုပ်ရတာပါ””ဟု ၎င်းကပြောသည်။…
စက်တင်ဘာ ၁၅ ရက်မှစ၍ ဒေါ်လာ ဈေးအနည်းငယ် လှုပ်ခတ်ခဲ့ခြင်းဖြစ်ပြီး စက်တင်ဘာ ၂၀ ရက် ပေါက်ဈေး မှာ သိမ်ဖြူ ငွေလဲကောင်တာ၌ ၀ယ်ဈေး ၉၈၀၊ ရောင်း ဈေး ၉၈၇ ကျပ်ရှိကာ ပြင်ပပေါက်ဈေးမှာ တစ်ဒေါ်လာ လျှင် ရောင်းဈေး ၉၉၀ ကျပ် အထိမြင့်တက်ခဲ့ပြီး စက်တင်ဘာ၂၄ရက်တွင် သိမ်ဖြူငွေလဲကောင်တာ၌ ရောင်း ဈေး ၉၉၆၊ ၀ယ်ဈေး ၉၉၀ တွင်ရှိနေပြီး ပြင်ပပေါက်ဈေးမှာ ၀ယ်ဈေး ၉၈၆ ကျပ်၊ ရောင်းဈေး ၉၉၆တွင် ရှိနေ သည်။
အမေရိကန်ဒေါ်လာဈေး မြင့်တက်လာခြင်းနှင့်ပတ်သက်၍ Maple Trading Co.,Ltd မှ ဗဟိုအလုပ် အမှုဆောင် ဒေါက်တာအောင်ဝင်းက ““ကျွန်တော်တို့အတွက်တော့ ငွေတန်ဖိုးကျရင် ပိုက်ဆံများများရတော့ အလုပ်သမား ကို လုပ်ခပိုပေးနိုင်တာပေါ့။ ဗမာငွေတန်ဖိုး တက်ရင်တော့ နည်းနည်းဒုက္ခရောက်တာပေါ့။ ကျန်တဲ့လုပ်ငန်းရှင် တွေအတွက်တော့ တန်ဖိုးတက်မှ ကောင်းမှာလို့ထင်တယ်””ဟု ပြောသည်။
ဗဟိုဘဏ်၏ ရည်ညွှန်းနိုင်ငံခြား ငွေလဲနှုန်းမှာ ဇူလိုင်လနှင့် သြဂုတ်လတွင် တစ်ဒေါ်လာကျပ် ၉၇၂ကျပ် သတ် မှတ်ထားပြီး စက်တင်ဘာ ၁၅ရက်တွင် ၉၇၃ကျပ် အထိ ပြောင်းလဲသတ်မှတ်ခဲ့ပြီး စက်တင် ဘာ ၂၄ ရက်တွင် ၉၉၀ ကျပ်အထိ တိုးမြှင့် သတ်မှတ်ခဲ့သည်။
ယင်းကဲ့သို့ အမေရိကန်ဒေါ်လာဈေး မြင့်တက်လာခြင်းနှင့် စပ်လျဉ်း၍ နိုင်ငံတော် သမ္မတအကြံပေး ဒေါက် တာ အောင်ထွန်းသက်က ““ဘာကြောင့် ဒေါ်လာပေါ်မှာ demand တွေများလာလဲဆိုတော့ ဒေါ်လာ တွေ ကိုလို ချင် တာ import အလုပ်ချင်လို့၊ ဒေါ်လာတွေ ကုန်စည်ဝယ်ချင် လို့လည်း ဖြစ်နိုင်တယ်။ အကြောင်းရင်းတွေက တော့ အများကြီးပဲ။ တစ်ခုပဲရှိတာက demand ချက်ချင်းတက်လာတာက သူတို့စီးပွားရေး လိုအပ်ချက်ကြောင့် ပစ္စည်း တွေ ပိုပြီးသွင်းလို့ ဒေါ်လာဈေးတွေ တက်လာတယ်လို့တော့ အကြမ်းဖျင်းပြောလို့ရတာပေါ့””ဟု သုံးသပ်ပြော ကြားခဲ့သည်။
No comments:
Post a Comment