.jpg)
ကျောက်ဖြူခရိုင်ရဲမှူးကြီး၊ မြို့နယ်အုပ်ချုပ်ရေးမှူး မြန်မာ့ရေနံနဲ့ သဘာဝ ဓာတ်ငွေ့လုပ်ငန်းနဲ့ ဆည်မြောင်းဌာနတို့က တာဝန်ရှိသူတွေဟာ စက်တင်ဘာလ ၁ ရက်နေ့က မဒေးကျွန်းရွာ ကို ရောက်ရှိလာပြီး ရွာသားတွေဘက် က တောင်းဆိုထားတဲ့ အချက်တွေကို လာရောက်ဖြေရှင်းပေး သွားတာဖြစ်ပါတယ်။
ဒါပေမယ့် လျော်ကြေးပေးဖို့ အပါအ၀င် ဒေသခံတွေရဲ့ တောင်းဆိုချက်တွေကိုတော့ လာမယ့် ၂၀၁၅ – ၂၀၁၆ ဘဏ္ဍာနှစ်ကျမှ ထည့်သွင်းပေးမယ်လို့ ပြောဆိုခဲ့တဲ့အတွက် ရွာသားတွေ ကျေနပ်လောက်တဲ့ အဖြေမရခဲ့ဘူးလို့ တွေ့ဆုံရှင်းလင်းပွဲတက်ရောက်သူ မဒေးကျွန်း လူမှုကွန်ရက်အဖွဲ့ဥက္ကဋ္ဌ ဦးထွန်းကြည်က ပြောပါတယ်။
“ကျနော်တို့ ဆန္ဒမပြခင်ကတည်းက အဲဒီကိစ္စကို အရေးယူပေးဖို့ တောင်းဆိုထားတာလေ၊ ၂၀၁၄- ၂၀၁၅ ဘတ်ဂျက်မှာ ပါသင့်တာပေါ့၊ အဲဒါကို နောက်နှစ်မှတင်ပေးမယ့် ပုံစံမျိုးလာပြောတယ်။ အစိုးရဘတ်ဂျက်ကို ကျနော်တို့တောင်းတာမဟုတ်ဘူး။ နိုင်ငံတော်အစိုးရဘတ်ဂျက်ကို စောင့်နေရင်လည်း ကျနော်တို့ မဒေးကျွန်းက ဘာမှဖြစ်လာမှာမဟုတ်ဘူး။ အဓိက ကျနော်တို့ စီအန်ပီစီကုမ္ပဏီကိုတောင်းတာ၊ စီအန်ပီစီကုမ္ပဏီကြောင့် ကျနော်တို့ အလုပ်တွေပျက်ရတာ၊ အခွင့်အရေးတွေ ဆုံးရှုံးရတာ၊ ဒါကြောင့် စီအန်ပီစီကုမ္ပဏီက ကျနော်တို့ကို လုပ်ပေးရမယ်လို့ ပြန်ပြောခဲ့တယ်။”
မြန်မာ့ရေနံနဲ့သဘာဝဓာတ်ငွေ့လုပ်ငန်းက တာဝန်ရှိသူတွေကတော့ စီအန်ပီစီကုမ္ပဏီ ကို ပြောပေးမယ့်အကြာင်း ပြောသွားတယ်လို့ ဆိုပါတယ်။
သူတို့တောင်းဆိုထားတဲ့အတိုင်း ဖြစ်မလာဘူးဆိုရင်တော့ ဆန္ဒပြမှုတွေ ဆက်ဖြစ်နေမယ်လို့ ရွာသားတွေဘက်က ပြောပါတယ်။
ရွာသားတွေဘက်က သူတို့ရွာလမ်းကို ကွန်ကရစ်လမ်းအဖြစ် ခင်းပေးဖို့၊ လျှပ်စစ်မီတာတွေ အိမ်တိုင်း အခမဲ့ တပ်ဆင်ပေးဖို့၊ မြေအသိမ်းခံရတဲ့သူတွေကို ထိုက်တန်တဲ့ လျော်ကြေးပေးဖို့၊ စီအန်ပီစီ ကုမ္ပဏီမှာ ဒေသခံတွေကို တရားဝင် အလုပ်ခန့်ထားပေးဖို့ စတဲ့ အချက် ၅ ချက်ကို ပြီးခဲ့တဲ့ သြဂုတ်လ ၂၂ ရက်နေ့က သက်ဆိုင်ရာ ခရိုင်၊ မြို့နယ် အုပ်ချုပ်ရေးရုံး၊ ဌာနဆိုင်ရာတွေနဲ့ စီအန်ပီစီ တရုတ်ကုမ္ပဏီကိုပါ ပေးပို့ တောင်းဆိုခဲ့တာ ဖြစ်ပါတယ်။
မနေ့က မဒေးရွာ ဘုန်းကြီးကျောင်းမှာ ကျင်းပခဲ့တဲ့ အဲဒီတွေ့ဆုံပွဲမှာ ရွာသား ၃၀၀ နီးပါး တက်ရောက်ခဲ့ပါတယ်။
မဒေးကျွန်းရွာသားတွေဟာ သူတို့လိုလားချက်တွေအတွက် ပြီးခဲ့တဲ့နှစ်က ဆန္ဒပြခဲ့ကြပြီး ဦးထွန်းကြည် အပါအ၀င် ဆန္ဒပြခေါင်းဆောင် ၁၀ ဦး ထောင်ဒဏ် ၃ လ ကျခံခဲ့ရပါတယ်။
 |
| ပြီးခဲ့တဲ့နှစ် ဧပြီ ၁၈ ရက်နေ့က စီအန်ပီစီ ကုမ္ပဏီကို ဒေသခံများ ဆန္ဒပြခဲ့စဉ် |
No comments:
Post a Comment