.jpg)
အစိုးရ တရားလိုပြသက်သေအဖြစ် ကိုမောင်မောင်၊ ကိုအောင်ဇော်လင်းနဲ့ မနီနီအောင်တို့ကို စစ်ဆေးခဲ့ကြောင်း ဒီကနေ့စစ်ဆေးရာမှာ အမှုအတွက် အလားအလာကောင်းတွေ တွေ့ရကြောင်း အမှုအတွက် လိုက်ပါဆောင်ရွက်ပေးနေတဲ့ မြန်မာကိုယ်စားလှယ်အဖွဲ့က ဦးမင်းဦးက ပြောပါတယ်။
ကျနော့်အနေနဲ့တော့ အားတက်စရာတွေ အများကြီးတွေ့တယ်ဗျ၊ သူတို့တွေကိုလည်း ကျနော်တို့ အနီးကပ်ထိုင်ပြီးတော့ ဒီလိုလေးတွေတော့ဖြစ်သင့်တယ်၊ မင်းတို့မိဘတွေလည်း ဒီမှာရောက်တော့မယ်နော်၊ ငါတို့ခေါ်ထားပေးပြီးပြီ၊ ဒါတွေကိုပြောပြတော့ သူတို့တွေလည်း သူတို့ကိုကြည့်ရတာ အားတက်တဲ့ပုံစံရှိတယ်၊ ကျန်ခဲ့တဲ့အပတ်က ထောင်မှာသွားတွေ့တဲ့ပုံစံအတိုင်း သူတို့ပုံစံကတော့ အေးအေးဆေးဆေးပဲ၊ ကျနော်တို့အားရတာကတော့ သက်သေတွေက ဒီနေ့ထွက်တာကောင်းနေတယ်၊ အဲ့ဒါကို ကျနော်တို့အားရတယ်
တရားရုံးကို လူသတ်မှုနဲ့ စွပ်စွဲခံနေရတဲ့ ကိုဝင်းဇော်ထွန်းနဲ့ ကိုဇော်လင်းတို့ နှစ်ဦးလည်း လာရောက်ခဲ့တယ်လို့ သိရပါတယ်။
ဒီကနေ့ စစ်ဆေးမှုမှာ FED အဖွဲ့က ဦးမိုးဝေ အပါအဝင် အခြားမြန်မာနိုင်ငံသားနှစ်ဦးက စကားပြန်လုပ်ပေးခဲ့တယ်လို့ ဆိုပါတယ်။
ဒီနေ့မနက်ပိုင်းကလည်း ထိုင်းနိုင်ငံ ခိုတောင်ကျွန်းလူသတ်မှုမှာ စွပ်စွဲခံရတဲ့မြန်မာနှစ်ဦးကို မှားယွင်းအရေးယူမှု မရှိစေရေးနဲ့ မျှတမှန်ကန်တဲ့ စုံစမ်းစစ်ဆေးမှု ဖြစ်ရေးအတွက် ဘန်ကောက်မြို့မှာ ဗြိတိန်သံရုံး အရာရှိတွေနဲ့ မြန်မာသံရုံးအရာရှိတို့ တွေ့ဆုံခဲ့ကြတယ်လို့ သိရပါတယ်။
No comments:
Post a Comment