.jpg)
ဖြစ်စဉ်မှာ အောက်တိုဘာ ၃ ရက် နံနက် ဝဝနာရီ ၃ဝမိနစ်ခန့်က ကျိုင်းတုံမြို့အမှတ်(၁)ရပ်ကွက် လုပ်သားရွာနေ မနန်းရွှေစင်အိသည် သူငယ်ချင်းများဖြစ်ကြသည့် ကိုကို လှိုင်(ပုန်းထွန်ရပ်ကွက်)၊ မယဉ်ယဉ် သက်(ရန်အောင်မြေရပ်ကွက်)၊ မရွှန်း လဲ့ဝင်း(ဆန်ဆိုင်း-ခရပ်ကွက်) နေသူ တို့အား တင်ဆောင်ကာ ဟွန်ဒါဖစ် အမျိုးအစား ၄ဃ/---အဖြူရောင် မော်တော်ယာဉ်ကို တာချီလိတ်မြို့ အမှတ်(၁) ချစ်ကြည်ရေးတံတား အဝိုင်းဘက်မှ မကာ ဟိုခမ်းရပ်ကွက် ဘက်သို့ ဗိုလ်ချုပ်လမ်းမကြီးအတိုင်း မောင်းနှင်လာစဉ် ဝမ်ကောင်းရပ်ကွက် အကောက်ခွန်ရုံးရှေ့အလွန် တွင် အရှိန်မထိန်းနိုင်ဘဲ ယာဉ်မှာ တစ်ပတ်လည်သွားပြီး တစ်ဖက် ယာဉ်ကြောသို့ ရောက်ရှိသွားသည်။ ထို့နောက် လူသွားပလက်ဖောင်းကို ကျော်သွားကာ လမ်း၏ ဝဲဘက် တွင်ရှိသည့် သူရိယသင်္ကန်းတိုက်ရှေ့ ရှိ ဓာတ်တိုင်ကို ယာဉ်၏ယာဘက် ခြမ်းဖြင့် ခါးလယ်မှ အလျားလိုက် ဖြတ်တိုက်မိခဲ့သည်။
ထိုသို့ တိုက်မိမှုကြောင့် ယာဉ် မောင်းနှင်သူ မနန်းရွှေစင်အိသည် အခင်းဖြစ်ရာနေရာတွင်ပင် ရရှိဒဏ် ရာများဖြင့် သတိလစ်သွားပြီးယာဉ်၏ ဦးခန်းတွင် လိုက်ပါလာသည့် ကိုကို လှိုင်၊နောက်ခန်းတွင်လိုက်ပါလာသည့် မယဉ်ယဉ်သက်နှင့်မရွှန်းလဲ့ဝင်းတို့ သုံးဦးတွင်လည်း ထိခိုက်ဒဏ်ရာများ (မစိုးရိမ်ရ) ရရှိသွားခဲ့သည်။ ထို့ပြင် အရှိန်ပြင်းထန်စွာ တိုက်မိမှုကြောင့် ယာဉ်မှာလည်းပျက်စီးခဲ့ပြီး အတိုက်ခံရ သည့် လျှပ်စစ်ဓာတ်တိုင်လည်း ထိခိုက် ပျက်စီးခဲ့သည်။
No comments:
Post a Comment