.jpg)
သျှမ်းပြည်တောင်ပိုင်း ကာလိမြို့နယ်ခွဲအတွင်း တပ်ချလှုပ်ရှားနေသည့် ခြေလျင်တပ်ရင်း အမှတ် ၁၅၁ လက်အောက်ခံ တပ်ခွဲမှူး ဗိုလ်သိန်းစိန်က ကျေးလက်လူထုအား ည ၁၀ နာရီ နောက်ပိုင်းမီးမထွန်းရ၊ မီးထွန်းသွားလာလျှင် ပစ်ခတ် ခံရမည်ဟု ဒေသခံများအား ဆင့်ခေါ်ကာ ညွှန်ကြားထားသည်ဟု ဆိုသည်။
အောက်တိုဘာ ၂၇ ရက်နေ့က သျှမ်းပြည်တောင်ပိုင်း ကွန်ဟိန်းမြို့နယ် ကာလိမြို့နယ်ခွဲ နှင့် မိုင်းစံ မြို့နယ်ခွဲကြား ဟောင်လိတ်ကျေးရွာ ဘုန်းကြီးကျောင်း၌ တပ်စခန်းချနေထိုင်သည့် ခလရ ၁၅၁ လက်အောက်ခံ တပ်ခွဲမှူးဗိုလ်သိန်းစိန် က ဒေသခံများအား ခေါ်ယူက မီးထွန်းသွားလာခြင်းမပြုရန် ၊ တွေ့ရှိပါ က ပစ်ခတ်ခြင်းခံရလျှင် တာဝန်ယူမည် မဟုတ် ကြောင်း ပြောသည်။
“ဒီ စစ်ဗိုလ်က ဒီကိုရောက်တာ လပိုင်းဘဲရှိတယ်။ လလယ်ပိုင်းတုန်းကလဲ ည ၁၀ နာရီလောက် အလ ကား နေရင်း သေနတ်ပစ်ဖေါက်တယ်။ အားလုံးလန့်သွားတာပေါ့။ ပီးခဲ့တဲ့အပတ်က ရွာသူကြီးကိုခေါ်ပြီး ပြောတယ်။ ည ၁၀ နာရီ နောက်ပိုင်းမီးမထွန်းရဘူးတဲ့။ အခု မနေ့က ထပ်ခေါ်ပြောတာ က ပစ်သတ်ခံ ရရင် တာဝန်မယူဘူးတဲ့” - ဟု အမည် မဖေါ်လိုသည့် ရွာသားတဦးကပြောသည်။
ခလရ ၁၅၁ လက်အောက်ခံ တပ်ခွဲတခုသည် ဟောင်လိတ်ကျေးရွာဘုန်းကြီး၌ အခြေချနေထိုင်သည်မှာ ၂ နှစ်ခန့်ရှိပြီ ဖြစ်ကြောင်း၊ ဝါတွင်းဥပုသ်သည်များအခက်အခဲကြောင့်ဖယ်ရှားပေးဖို့ ကူညီပြောဆိုပေးရန် ကွန်ဟိန်းပြည်သူ့လွှတ် တော်ကိုယ်စားလှယ် နန်းဝါနုထံ ရွာသားများတင်ပြပြီးနောက် တပတ်ခန့်သာရှောင်ပေးကြောင်း၊ ယခုထက်ထိဘုန်းကြီး ကျောင်းအား တပ်စခန်းအဖြစ်ပြန်လည်အသုံးပြုနေဆဲဖြစ်ကြောင်း ပြောသည်။
အဆိုပါဒေသသည် အစိုးရတပ်မတော်လက်အောက်ခံ ကာလိပြည်သူ့စစ်တပ်ဖွဲ့ လှုပ်ရှားသွားလာ ရာဒေသဖြစ်သည်။ ၎င်းတို့သည် သျှမ်းပြည်တပ်မတော် SSPP/SSA တပ်မဟာ ၇ တပ်ဖွဲ့ဝင်ဟောင်း များဖြစ်ကြသည်။
ဓါတ်ပုံ - ကာလိမှ မိုင်းစံသို့အသွားလမ်း
No comments:
Post a Comment