.jpg)
မြေပဲဆန် အဓိက စိုက်ပျိုးထွက်ရှိတဲ့ မြန်မာပြည်အလယ်ပိုင်း မကွေးနဲ့ စစ်ကိုင်းတိုင်းတွေမှာ မိုးတွင်းကာလ ဇွန်နဲ့ ဇူလိုင်လတွေမှာ စိုက်ပျိုးခဲ့တဲ့ မြေပဲစိုက်ခင်းတွေက မိုးခေါင်ခဲ့တဲ့အတွက် မြေပဲပင်တွေ ပျက်စီးခဲ့ပြီး အထွက်နှုန်းကလည်း ပုံမုန်ထွက်ရှိမှုပမာဏရဲ့ ၃ ပုံ ၁ ပုံခန့်လောက်ပဲ ထွက်ရှိခဲ့ပါတယ်။
မြေပဲဆန်အထွက်နှုန်း ကျဆင်းမှုနဲ့ ပြည်ပက ၀ယ်လိုအားကြောင့် ပြည်တွင်းဆီကြိတ်စက် တွေမှာ ကုန်ကြမ်းရှားပါးကာ တပြည်လုံးမှာရှိတဲ့ ဆီကြိတ်စက် ၁၀ ပုံ ၁ ပုံသာ စက်လည်ပတ် နိုင်တဲ့ အခြေအနေမှာ ရှိနေတဲ့အကြောင်း ရန်ကုန်တိုင်းဆီစက်ပိုင်ရှင်များအသင်းဥက္ကဋ္ဌ ဦးခင်စိုးက ပြောပါတယ်။
“အဲဒီ ၃ ပုံ ၁ ပုံကို တနိုင်ငံလုံးက ၀ယ်ယူသုံးစွဲတဲ့အပြင် တရုတ်ကလည်း လုံးဆန်အနေနဲ့ လာဆွဲတော့ ပြည်တွင်းမလုံလောက်မှု ပေါ်သွားတယ်။ တကယ်လို့ တရုတ်က ၀ယ်တာကို ပေးမထွက်လို့ ရှိရင် ဒီလောက်ပြဿ နာ မတက်ဘူး။ သူတို့က မြေပဲဆန်ကိုလည်း ပေးထွက်တယ်။ မြေပဲဆန်မရှိရင် မြေပဲဆီ မစားရုံပဲ ဆိုပေမယ့် မြေပဲဆီကိုပဲ ကျန်းမာရေးအရ စားကို စားမယ်ဆိုတဲ့သူတွေ အတွက်တော့ ထိခိုက်တယ်။ မိုးပဲနဲ့ မိုးနှမ်း မဖြစ်တဲ့အတွက် ရှားတယ်။ ရှားတဲ့အတွက် ပဲဆီဈေးနဲ့ နှမ်းဆီ ဈေး ခေါင်ခိုက်တယ်။”
အလားတူ မန္တလေးတိုင်း ဆီစက်လုပ်ငန်းရှင်များအသင်း ဒုဥက္ကဋ္ဌ ဦးအောင်ကျော်ကျော်က လည်း လက်ရှိ အနေအထားအရ မိရိုးဖလာ ဆီကြိတ်စက်တွေအနေနဲ့ အရည်ကြိုပို့ပြီး ရောင်းချရတော့မယ့် အခြေအနေရောက်နေတယ်လို့ ဆိုပါတယ်။
“ဘာလို့လဲဆိုတော့ ကုန်ကြမ်းတွေ အဓိကက အထွက်နည်းတာ ပါတယ်။ ပြီးတော့ ကုန်ကြမ်းတွေ အိတ်စပို့စ် ခွင့်ပြုတာလည်း ပါသွားတဲ့အတွက် နှမ်းဆိုရင် ကျနော်တို့ မကြိတ်နိုင်တဲ့ အနေအထား ရောက်သွားပြီ။ ဒါကြောင့် လက်ရှိ ပြည်တွင်းနှမ်းဆီဈေးကွက်ပြောရရင် နှမ်းဆီ ၁ ပိဿာ ကျပ် ၅၀၀၀နဲ့ နှမ်းဖက် ၁ ပိဿာ ကျပ် ၁၅၀၀ ရှိတယ်။ နှမ်းဆီစားသုံးတဲ့သူက မရှိတော့ ကြိတ်တဲ့သူကလည်း မရှိတော့ဘူး။ ဒီအတိုင်းဆိုရင် ကျနော်တို့ မိရိုးဖလာ လုပ်နေတဲ့ ဆီစက် လုပ်ငန်းရှင်တွေကတော့ အကုန်လုံး အရည်ကြိုပို့ ရောင်းရမယ့်သဘော ဖြစ်နေတယ်။ ဒါက ကျနော်တို့ တမြို့တည်း မဟုတ်ဘူး။ တနိုင်ငံလုံး အတိုင်းအတာနဲ့ပေါ့။”
ပြည်တွင်းဈေးကွက်ထဲမှာ မြေပဲဆန်ဈေးနှုန်းက ပြီးခဲ့တဲ့ မေနဲ့ ဇွန်လတွေမှာ ၁ ပိဿာကို ၁၅၀၀ ကျပ်နီးပါး ရှိခဲ့ပေမယ့် လက်ရှိမှာတော့ ၂၀၀၀ ကျပ်နီးပါး အထိမြှင့်တက်မှု ရှိခဲ့သလို တရုတ်ဈေးကွက်ကလည်း ပြည်တွင်းမြေပဲဆံ ၁ ပိဿာကို ၂၄၀၀ ကျပ်အထိ ဈေးအမြှင့်ပေးပြီး ၀ယ်ယူမှု ရှိလာတာပါ။ ပြည်တွင်းမှာ လွန်ခဲ့တဲ့ ၅ နှစ်က ကုန်ကြမ်းရှားပါးမှုကြောင့် မြေပဲဆီဈေးနှုန်းတွေက ၁ ပိဿာကို ကျပ် ၅၅၀၀ အထိ အမြင့်ဆုံးရှိခဲ့ဖူးပါတယ်။
ပြည်တွင်းမှာ မြေပဲဆီဈေးနှုန်းတွေ ကြီးမြင့်လာတဲ့အပေါ် တဖက်ကလည်း အရည်အသွေး မမီ ကျန်းမာရေးနဲ့ မညီညွတ်တဲ့ ဆီအတုတွေ ၀င်ရောက်လာနိုင်တဲ့အပြင် ဈေးနှုန်းသက်သာတဲ့ ဆီတွေပါ ၀င်ရောက်လာမှာ ဖြစ်တဲ့အကြောင်း ရန်ကုန်တိုင်းဆီစက်ပိုင်ရှင်များအသင်းဥက္ကဋ္ဌက အခုလို ထောက်ပြပြောဆိုခဲ့ပါတယ်။
“မရှိအောင် လုပ်လိုက်ရင် ကြိုက်တာထိုး ရောင်းလို့ ရတယ်။ အဲဒီမဟာဗျူဟာက အကောင်းဆုံးပဲ သူတို့ သုံးနေတာ။ ကုန်ကြမ်းကို မရှိအောင် လုပ်လိုက် ကုန်ချောကို ကြိုက်သလို ရောင်းလို့ရတယ်။ ရှားနေတာကိုဗျ။ ဆီလုံးဝမရှိတဲ့အချိန်မှာ စားအုန်းဆီသွင်းလည်း ရောင်းရတာပဲ။ ကြော်ပြီးသား ဆီကို စစ်ပြီး ပြန်ရောင်းလည်း ရောင်းရတာဘဲ။ ဒီမှာ သူတို့ကို ပြန်ပြီးတော့ ယှဉ်ပြိုင်နိုင်ဖို့ ကိုယ်ခံစွမ်းအား ကျနော်တို့ မရှိတော့တာပဲ။ ဒီမှာ ၄၀၀၀-၄၅၀၀ ကျပ်နဲ့ မြေပဲဆီကို ကျနော်တို့ ရောင်းနေတဲ့အချိန်မှာ သူတို့ စားအုန်းဆီကို ၁၅၀၀ ကျပ်နဲ့ ရောင်းလို့ ရသလို ကြော်ပြီးသားဆီကိုလည်း ၁၃၀၀ ကျပ်နဲ့ လာရောင်းလို့ ရတယ်။ မြေပဲဆီ ၄၅၀၀ ကျပ်ကို မစားနိုင်တဲ့ လူတန်းစားက ၁၀ ပုံ ၉ ပုံလောက် ရှိတာကို။ လာချင်တာ လာ အကုန်စားမှာပဲ။”
ပြည်တွင်းလူဦးရေရဲ့ ၁၀ ပုံ ၁ ပုံခန့်သာ ကျန်းမာရေးနဲ့ ညီညွတ်တဲ့ မြေပဲဆီနဲ့ နှမ်းဆီကို စားသုံးကြတာ ဖြစ်လို့ ပြည်တွင်းစားသုံးမှု လိုအပ်ချက်အတွက် ၁ နှစ်ကို ဆီပိဿာချိန် တန် ၆ သောင်းသာ လိုအပ်မှာ ဖြစ်ပေမယ့် ဆီထွက်သီးနှံစိုက်ဧကက တနိုင်ငံလုံးအတိုင်းအတာအနေနဲ့ ၂ သန်းရှိတဲ့အနက် ထွက်သမျှသီးနှံတွေကို ကြိတ်ခွဲနိုင်တဲ့ အနေအထားမှာ မရှိဘူးလို့ သိရပါတယ်။
No comments:
Post a Comment