ဟောင်ကောင်ဆန္ဒပြသူတွေ အစိုးရရုံးသိမ်းဖို့ ခြိမ်းခြောက်

ဟောင်ကောင်မှာ တမြို့လုံး နေရာ အများအပြားကို လွှမ်းမိုးထားတဲ့ အစိုးရ ဆန့်ကျင်ရေး ဆန္ဒပြ မှုတွေဟာ အရှိန်ဟုန် မြင့်လာနေပြီး၊ ဟောင်ကောင် အုပ်ချုပ်ရေးမှူး အနေနဲ့ ရာထူးက ဆင်းမပေးဘူးဆိုရင် ကျောင်းသားတွေက အစိုးရရုံးတွေကို သိမ်းပိုက် ရလိမ့်မယ်လို့ သတိပေး ထားပါတယ်။

ဟောင်ကောင် အုပ်ချုပ်ရေးမှူး Lauang Chun-ying အနေနဲ့ ဒီကနေ့ ကြာသာပတေးနေ့ မကုန်ခင် ရာထူးက နှုတ်ထွက် ပေးရမယ်လို့ ဆန္ဒပြသူတွေက ဗုဒ္ဓဟူးနေ့မှာ ရာဇသံပေး တောင်းဆို လိုက်တာပါ။ ရာထူးကနေ ဆင်းမပေးဘူးဆိုရင် အဆောက်အဦးတွေကို တိုက်ခိုက် သိမ်းပိုက် ရလိမ့်မယ်လို့လည်း ပြောပါတယ်။

ခြိမ်းခြောက် တောင်းဆို ထားချက်နဲ့ ပတ်သက်ပြီး ဆန္ဒပြတဲ့ အဖွဲ့တွေအကြား အပြည့်အ၀ သဘောတူညီထားခဲ့ကြရာမှာ ကွဲပြားမှုတွေ ရှိနေပြီလား ဆိုတာကတော့ ရှင်းရှင်းလင်းလင်း မသိရသေးပါဘူး။

ဟောင်ကောင်အုပ်ချုပ်ရေးမှူး Leung က ဆန္ဒပြသူတွေအပေါ် အင်အားသုံး ဖြိုခွင်းဖို့ကို မလိုလားဘူးဆိုတဲ့ သတင်း ထွက်လာပြီးတဲ့နောက်မှာ အခြေအနေတွေက ၀ိုးတိုးဝါးတား ဖြစ်နေပါတယ်။ မစ္စတာ Leung အနေနဲ့ အချိန်ကိုစောင့်နေပြီး ဆန္ဒပြမှုတွေဟာ အကြမ်းဖက်တဲ့ အခြေအနေထိ မရောက်ဘဲ၊ လျော့ကျသွားလိမ့်မယ်လို့ မျှော်လင့်ထားတယ်ဆိုတဲ့ သတင်းတွေ အနှံ့အပြားမှာ ထွက်ပေါ်နေပါတယ်။

မစ္စတာ Leung ဟာ ဆန္ဒပြခေါင်းဆောင်တွေနဲ့ တွေ့ဆုံဖို့ ကိစ္စကိုကော၊ ရာထူးကနေ ဆင်းပေးဖို့ ကိစ္စကိုပါ ငြင်းပယ်ထားပါတယ်။

ခုလိုအားပေးတဲ့အတွက် အထူးကျေးဇူးတင်ပါကြောင်း ပြောကြားပါရစေ..ဆည်းဆာ မှ နည်းပညာများအား မည်သူမဆို လွတ်လပ်စွာ ကူးယူသုံးစွဲနိုင်ပါတယ်..လိုအပ်တာများရှိပါက.. C-Box မှာပြောခဲ့ကြနိုင်ပါတယ်... အတတ်နိုင်ဆုံး ကြိုးစား ကူညီ မျှဝေသွားပါမည်... ကျွန်တော် ပိုင်ဆိုင်သောနေရာလေးအား ဆက်လက် လည်ပါတ်လိုပါက { ဒီမှာ } သွားလိုက်ပါ