.jpg)
၂၀၁၄ ခုနှစ်၊ အောက်တိုဘာလ ၂ ရက်နေ့ နံနက် ၈ နာရီ ၄၅ မိနစ်အချိန် မန္တလေးတိုင်း ဒေသကြီး၊ ပျော်ဘွယ်မြို့နယ်၊ ရန်ကုန်- မန္တလေး အမြန်လမ်း၊ မိုင်တိုင်အမှတ်(၂၅၉/၇)တွင် ယာဉ်တိုက်မှု ဖြစ်ပွားကြောင်း သတင်းအရ ပေပင်လေး အမြန်လမ်း ရဲစခန်းမှတပ်ဖွဲ့ဝင်များက သက်သေများနှင့်အတူ သွားရောက်စစ်ဆေး ခဲ့သည်။
စစ်ဆေးချက်အရ မန္တလေးမှရန်ကုန်သို့ မဟာအောင်မြေမြို့နယ်၊ မျက်ပါးရပ်နေ ထွန်းမင်းလွင်(၄၀)နှစ် မောင်းနှင်လာသည့် ၆ဃ/xxxx ဟိုင်းလပ်ဆပ်ခဲရောင်ယာဉ်မှာ အရှေ့မှ အနောက်သို့ ယာတောသွားရန် ပျော်ဘွယ်မြို့နယ်၊ စည်းခုံကျေးရွာနေ ၀င်းဦး(၄၈)နှစ်ထိန်းကျောင်း မောင်းနှင်ပြီး လမ်းဖြတ်ကူးသွားနေသောနွားအုပ်မှ ကျန်နေသည့်နွား(၁)ကောင်ကို အရှိန်မထိန်းနိုင်ဘဲ ၀င်ရောက်တိုက်မိ၍ လမ်းလယ်ကျွန်းအားကျော်ကာ တစ်ဖက်ယာဉ်ကြောတွင် လမ်းပြောင်းပြန်ရပ်တန့် သွားခဲ့ကြောင်း သိရှိရသည်။
ထိုသို့တိုက်မိမှုကြောင့် ယာဉ်ပေါ်ပါ စစ်ကိုင်းတိုင်းဒေသကြီး၊ ချောင်းဦး မြို့နယ်၊ သဲအင်းဂူ၊ အောင်ပန်းရွာတောရကျောင်းနေ ဦးဥုက္ခရ(၆၀)နှစ်၊ ၀ါတော်(၇)၀ါ၊ ရန်ကုန်တိုင်း ဒေသကြီး၊ သင်္ဃန်းကျွန်းမြို့နယ်၊ လေးဒေါင့်ကန်ရပ်နေ ဒေါ်မြမြ(၈၃)နှစ်၊ သင်္ဃန်းကျွန်းမြို့နယ်၊ မလိခ အိမ်ယာနေ ဒေါ်ဖွားစိန်(၈၁)နှစ်နှင့် စစ်ကိုင်းတိုင်းဒေသကြီး၊ ချောင်းဦးမြို့နယ်၊ မြို့သစ်ရပ်နေ ဦးလှထွန်းအောင်(၅၄)နှစ်တို့တွင် ဒဏ်ရာများ အသီးသီးရရှိခဲ့သဖြင့် တောညောင်ကုန်းတိုက်နယ်ဆေးရုံသို့ တင်ပို့ကုသစဉ် ဆရာတော် ဦးဥုက္ခရမှာ ရရှိသောဒဏ်ရာများဖြင့် ဆေးရုံ၌ပျံလွန်တော်မူသွားခဲ့ကြောင်းနှင့် ယာဉ်မောင်း ထွန်းမင်းလွင်အား ပေပင်လေးအမြန်လမ်းရဲစခန်း ယာဉ်(ပ)၂၈/၂၀၁၄၊ ပြစ်မှုပုဒ်မ ၃၀၄-က/ ၃၃၈ ဖြင့်လည်းကောင်း၊ ၀င်းဦးအား ပေပင်လေးအမြန်လမ်းရဲစခန်း၊ ရဲအရေးမပိုင်မှုအမှတ်စဉ် (၁၆၀/၂၀၁၄)၊ လမ်းမကြီးများဥပဒေပုဒ်မ ၉(ခ)ဖြင့်လည်းကောင်း အသီးသီး အမှုဖွင့်အရေးယူ ထားကြောင်း သတင်းရရှိသည်။
No comments:
Post a Comment