အမေရိကန်က Kurdish တပ်တွေကို ဝေဟင်ကနေ ကူညီတိုက်ခိုက်နေပြီး IS တပ်ဖွဲ့တွေ ၁၀ ရက်ကြာ သိမ်းပိုက်ထားတဲ့ ကိုဘာနီမြို့ပြင်က တောင်ကုန်းတစ်ခုကို Kurdish တပ်တွေ ပြန်လည်ရယူနိုင်ခဲ့တာပါ။
အခုလို အနိုင်ရရှိမှုတွေ ရှိလာပေမယ့်လည်း ကိုဘာနီမြို့ တစ်ဝက်လောက်ကို IS စစ်သွေးကြွ တပ်တွေက သိမ်းပိုက်ထားဆဲ ဖြစ်ပါတယ်။
အဲဒီလို အခြေအနေကြောင့် အမေရိကန်ကလည်း ဝေဟင်တိုက်ခိုက်မှုတွေ ဆက်လက်တိုးချဲ့လုပ်ဆောင်နေတဲ့အကြောင်း Hayden Cooper က သတင်းပေးပို့ထားပါတယ်။
တဆက်တည်းမှာပဲ နိုင်ငံပေါင်း ၂၀ က စစ်အရာရှိကြီးတွေက ဆီးရီးယားနဲ့ အီရတ်နိုင်ငံအတွင်းက IS စစ်သွေးကြွတွေရဲ့ အရေးနဲ့ ပတ်သက်ပြီး ဝါရှင်တန်မြို့မှာ တွေ့ဆုံနေကြပါတယ်။
ဒါဟာ နိုင်ငံမြောက်များစွာက အဆင့်မြင့် စစ်တပ်အရာရှိကြီးတွေ တွေ့ဆုံတဲ့ အစည်းအဝေးကြီးတစ်ခုဖြစ်ကြောင်းလည်း သိရပါတယ်။




































No comments:
Post a Comment