အမေ့အတွက် မွေနေ့လက်ဆောင် (သရဲပုံပြင်)

စာပို့သမားလေးတစ်ယောက်ဟာ ဒီရပ်ကွက်ကိုပြောင်းလာပြီး စာပို့တဲ့ ပထမဆုံးနေ့အနေနဲ့ စက်ဘီးလေးနင်းပြီး တက်ကြွှစွာနဲ့ စာတွေပို့ပေးပါတယ်။ တနေကုန်ပို့ပြီးလို့ အိမ်နံပါတ် (၇၈) ရှေ့ကနေ စာပို့သမားလေးဖြတ်သွားတော့ တံခါးမကြီးပွင့်လာပြီး အိမ်ထဲက အဘွားအိုတစ်ယောက် ထွက်လာတယ်။ ပြီးတော့ စာပို့သမားလေးကို “အမေ့စာ မပါဘူးလားဟင်…” လို့ မျှော်လင့်တကြီးနဲ့ လှမ်းမေးလိုက်ပါတယ်။
စာပို့သမားလေးကလဲ ဒီနားတ၀ိုက်ကရှိတဲ့အိမ်တွေကို ပေးပို့တဲ့စာတွေကို အခုလေးတင်ဝေပြီးခဲ့ပြီမို့ အလုပ်သိမ်းပြီး အိမ်ပြန်ဖို့ပြင်ဆင်နေတာဆိုတော့ ဒီနေ့အတွက် အဘွားအိုရဲ့စာမပါတာ သေချာနေတာပေါ့။ ဒါပေမယ့် မျှော်လင့်တကြီးနဲ့ မေးလာတဲ့ အဘွားအိုကို ဂရုဏာသက်မိပြီး အဘွားအိုစိတ်ကျေနပ်အောင် နောက်နေ့မှာပို့ရမယ့် စာထုပ်ထဲကို အပြန်ပြန် အလှန်လှန် ရှာကြည့်လိုက်တယ်။ စာမရှိပါဘူး။ ဒါနဲ့ စာပို့သမားလေးက ကြင်နာစွာပြုံးပြပြီး “၀မ်းနည်းပါတယ်။ ဒီနေ့တော့ အမေ့ရဲ့စာ မပါသေးပါဘူး။” လို့ ပြန်ပြောလိုက်ပါတယ်။ အဘွားအိုက အလွန်စိတ်ပျက်အားငယ်သွားတဲ့ပုံစံဖြစ်သွားတယ်။ ပြီးတော့ တုန်ယင်နေတဲ့အသံနဲ့ “ဒီနေ့အမေ့မွေးနေ့ပါ။ နယူးဇီလန်မှာ ရှိတဲ့သားက အမေ့ရဲ့မွေးနေ့ရောက်တိုင်း လက်ဆောင်ပို့ပေးနေကျ။ ဒီနေ့ မွေးနေ့လက်ဆောင်ရောက်ရမှာ၊ ဘာဖြစ်လို့များ မပါပါလိမ့်။” လို့ပြောပြီး မျက်ဝန်းထဲက မျက်ရည်များပါစီးကျလာပါတော့တယ်။ သနားတတ်တဲ့စာပို့သမားလေးက အရမ်းစိတ်မကောင်းဖြစ်သွားပြီးတော့ အဘွားအိုကို “အမေရယ်…ဒီနေ့မပါလဲ နောက်နေ့ပါမှပေါ့။ ကျွန်တော် အမေ့ကို သေသေချာချာလာပို့ပေးပါမယ်နော်။” လို့နှစ်သိမ့်လိုက်တယ်။ အဘွားအိုကလည်း “အေးပါကွယ်။ ကျေးဇူးတင်ပါတယ်။” လို့ပြောပြီး အိမ်ထဲပြန်ဝင်သွားတယ်။ စာပို့သမားလေးက အပြန်လမ်းမှာ စိတ်မကောင်းခြင်းကြီးစွာနဲ့ အဘွားအိုရဲ့အကြောင်းပဲ တွေးနေမိတော့တယ်။
နောက်တနေ့မှာ စာပို့သမားလေးက သူပို့ရမယ့်စာအထုပ်တွေထဲက အိမ်နံပါတ် (၇၈)ကို လိုက်ရှာတယ်။ မပါပြန်ပါဘူး။ ဒါနဲ့ အဘွားအိုကို ဘယ်လိုနှစ်သိမ့်ရမလဲလို့ စဉ်းစားလိုက်တယ်။ ရုတ်တရက် သူအကြံတစ်ခုရလာတယ်။ ချက်ချင်းပဲ ပို့စ်ကတ်တစ်ခုနဲ့ ပန်းစည်းတစ်စည်းကို သူဝယ်လိုက်တယ်။ ပြီးတော့ ပို့စ်ကတ်ပေါ်မှာ “မွေးနေ့မှာ ပျော်ရွှင်ပါစေ။” လို့ သူရေးလိုက်တယ်။ အဲဒီနောက် သွက်လက်တက်ကြွစွာနဲ့ပဲ သူစာပို့ဖို့ ထွက်လာခဲ့တယ်။ အိမ်နံပါတ် (၇၈) ရှေ့ရောက်တော့ လူခေါ်ခေါင်းလောင်းကိုဆွဲလိုက်ပြီး ပါးစပ်ကနေလည်း “အမေ စာပါတယ်ခင်ဗျ” လို့အော်ပြောနေတယ်။ သူအတန်ကြာအောင် အော်ခေါ်နေပေမယ့် အိမ်ထဲက ဘယ်သူတစ်ဦးတစ်ယောက်မျှ ထွက်မလာပဲ တိတ်ဆိတ်လို့ နေပါတယ်။ ဒါနဲ့သူက ပို့စ်ကတ်လေးကို စာထည့်တဲ့ပုံးထဲထည့်ပြီး ပန်းစည်းလေးကိုတော့ တံခါးရွက်ကြားမှာ ချိတ်နေတုန်း ဘေးအိမ်က အမျိုးသမီးကြီးတစ်ယောက်ထွက်လာပြီး၊ သူ့ကို “မောင်ရင်…ဒီအိမ်က လူမနေတာကြာပြီကွယ့်။ စာမှားထည့်နေပြီထင်တယ်။” လို့လှမ်းပြောလိုက်ပါတယ်။ သူကြောင်အမ်းအမ်းလေး ဖြစ်သွားပြီးမှ “နေပါတယ် အန်တီ။ မနေ့ကလေးတင် ဒီအိမ်ကအဘွားအိုတစ်ယောက် ထွက်လာပြီး ကျွန်တော့ကို သူ့စာမပါဘူးလား လို့မေးခဲ့သေးပါတယ်။” လို့ပြန်ပြောလိုက်ပါတယ်။ အမျိုးသမီးကြီးက “လွန်ခဲ့တဲ့နှစ်တွေတုန်းက အဲဒီအိမ်မှာ အဘွားအိုတစ်ယောက်နေခဲ့တာ မှန်ပါတယ်။ ပြီးခဲ့တဲ့နှစ် ဒီလိုအချိန်မှာ နယူးဇီလန်မှာရှိတဲ့ သူ့ရဲ့သား မတော်တဆဖြစ်ပြီး ဆုံးသွားရှာတယ်။ အဲဒီသတင်းကို ကြားကြားချင်းမှာပဲ အဘွားအိုဟာ ရင်ကွဲနာကျပြီး ဆုံးသွားရှာလေရဲ့” လို့ပြန်ပြောလိုက်ပါတယ်။ တချိန်တည်းမှာပဲ စာပို့သမားလေးဟာ ၀မ်းနည်းခြင်း၊ ကြေကွဲခြင်း၊ အံ့သြခြင်း တို့ကို တပြိုင်နက်တည်း ခံစားလိုက်ရပါတယ်။
*****************
အင်္ဂလိပ် သရဲပုံပြင်ဝတ္တုတိုထဲက “Birthday Present” ဆိုတဲ့ ဇာတ်လမ်းလေးကို သဘောကျလို့ ဘာသာပြန်ပြီး တင်ပေးလိုက်တာပါ။ ရေးတဲ့သူက William Smith လို့ပါရှိပါတယ်။
(တကယ့်ဖြစ်ရပ်မှန်ဆိုရင်တော့ ကြောက်စရာကြီးနော်။ အဲဒီစာပို့သမားလေးနေရာမှာ ချစ်သူမောင်ဆိုရင်တော့ အဲဒီနေရာမှာတင် မူးလဲသွားနိုင်တာ သေချာပါတယ်။ မွေးကတည်းက ဗန္ဓုလသွေးပါတာဆိုတော့လေ။ အဲဒီဇာတ်လမ်းလေးကို ဖတ်နေတုန်းအချိန်မှာတောင် ကြက်သီးတွေထပြီး ကြောက်စိတ်တွေဝင်လာသေးတယ်။)
လူသားအားလုံး စိတ်ဆင်းရဲခြင်းကင်းဝေးပြီး ပျော်ရွှင်ချမ်းမြေ့တဲ့ဘ၀လေးကို ပိုင်ဆိုင်နိုင်ပါစေ။