
၂၀၀၆ ခုနှစ်က ထွက်ရှိခဲ့သည့် စိတ်ကူးယဉ်အက်ရှင်ဇာတ်ကား 300 ၏နောက်ဆက်တွဲဇာတ်ကားဖြစ်သည့် 300:Rise of an Empire ဇာတ်ကားသည် မြောက်အမေရိက သီတင်းတစ်ပတ် လက်မှတ်ရောင်းရမှုဝင်ငွေစာရင်း (box office) တွင် ဒေါ်လာ ၄၅ သန်းဖြင့် နံပတ်တစ်နေရာ၌ ဖော်ပြခံခဲ့ရသည်။
300: Rise of an Empire ဇာတ်ကားသည် စာရေးဆရာဖရန့်မီလာ၏ ဈေးကွက်အတွင်း မဖြန့်ချိရသေးသည့် ရုပ်ပြစာအုပ်ကို အခြေခံရိုက်ကူးထားခြင်းဖြစ်ပြီး 300 ဇာတ်ကားမှ ဇာတ်ကောင်များကို ပြန်လည်အသုံးပြုထားသည်ဟုသိရသည်။
ဂရိနှင့် ပါရှားတို့ဖြစ်ပွားခဲ့သည့် စစ်ပွဲများအကြောင်း ရိုက်ကူးထားသည့် 300: Rise of an Empire ဇာတ်ကားသည် 300 ဇာတ်ကား၏ ပွဲဦးထွက်ပြသသည့် ၀င်ငွေကိုမမီခဲ့ပေ။ 300 ဇာတ်ကားသည် ပွဲဦးထွက်ပြသသည့် သီတင်းပတ်တွင် ဒေါ်လာ ၇၀ ဒသမ ၉ သန်းရရှိခဲ့သည်ဟု သိရသည်။
၁၉၆၀ ပြည့်နှစ်လွန်များက ထုတ်လွှင့်ခဲ့သည့် Rocky and Bullwinkle ရုပ်သံကာတွန်းဇာတ်လမ်းတွဲမှ ဇာတ်ကောင်များကိုအခြေခံထားသည့် 3D အန်နီမေးရှင်းဇာတ်ကား Mr Peabody & Sherman သည် ဒေါ်လာ ၃၂ ဒသမ ၅ သန်းဖြင့် box office တွင် ဒုတိယနေရာ၌ ဖော်ပြခံခဲ့ရသည်။

သရုပ်ဆောင် လီယမ်နီဆင်၊ ဂျူလီယန်မိုးနှင့် လူမီတာဟောင်ဂိုတို့ ပါဝင်ထားသည့် ပြင်သစ်-အမေရိကန် လျှို့ ဝှက်သည်းထိတ်ရင်ဖိုဇာတ်ကား Non-Stop သည် ဒေါ်လာ ၁၅ သန်းဖြင့် box office တွင် တတိယနေရာ၌ ဖော်ပြခံခဲ့ရသည်။
View Website



































No comments:
Post a Comment