.jpg)
အိန်္ဒိယ သမုဒ္ဒရာကို အနီးကပ်ဆုံး မြင်တွေ့ ခံစားနိုင်ဖို့ ရည်ရွယ်ပြီး ဗိသုကာ ပညာရှင်တွေက နောက်ဆုံးပေါ် အိမ်ဒီဇိုင်းကို ရေးဆွဲ ထုတ်ပြန် ပြသခဲ့ပါတယ်။ အိမ်ဒီဇိုင်းဟာ ကွဲပြားခြားနားမှုရှိတဲ့ အပြင် စိတ်ဝင်တစား ဖြစ်အောင် ဖန်တီးထား ပါတယ်။
ဒီအိမ် ဒီဇိုင်းကို သြစတြေးလျ နိုင်ငံ၊ အနောက် တောင်ပိုင်း ကမ်းခြေမှာ ပုံဖော် တည်ဆောက်ထား ပါတယ်။ မတ်စောက်လှတဲ့ ချောက်ကမ်းပါး အစွန်းမှာ အိမ်ကို တည်ဆောက်ထားခြင်း ဖြစ်ပြီး၊ နေထိုင် သူကတော့ သတ်္တိရှိဖို့ လိုပါလိမ့်မယ်။ အိမ်နာမည် ကလည်း ပုံစံနဲ့ လိုက်အောင် Cliff House လို့ ပေးထားပါတယ်။ သမုဒ္ဒရာကြီးနဲ့ အနီးကပ်ဆုံး ဆက်သွယ်နိုင်အောင် ဖန်တီးထားခြင်း ဖြစ်တယ်လို့ ဒီအိမ် ဒီဇိုင်းကို ရေးဆွဲခဲ့တဲ့ ကုမ္ပဏီက ဖွင့်ဟထားပါတယ်။ ခိုင်ခံ့မှု၊ လုံခြုံမှု ရှိအောင် ပြုလုပ်ထားပြီး ငါးလွှာပုံစံ တည်ဆောက်ထား ပါတယ်။ ဒီအိမ်မှာ ရေချိုးခန်း၊ မီးဖိုခန်း စတာတွေ ပါဝင်ပြီး ဓာတ်လှေခါး နဲ့လည်း အဆင်းအတက်ပြု လုပ်နိုင်အောင် ပြုလုပ် ပေးထားပါတယ်။ နေအိမ်တွေကို ပုံစံ အမျိုးမျိုးနဲ့ တည်ဆောက်ကြပေမယ့် သမုဒ္ဒရာရဲ့ အလှအပကို ခံစားနိုင်တဲ့ ချောက်ကမ်းပါးမှာ ချိတ်ဆွဲထားတဲ့ အိမ်မျိုးကတော့ ပထမဆုံး ဖြစ်လိမ့်မယ်လို့ ဆိုထားပါတယ်။
No comments:
Post a Comment