 |
| ဩစတြေးလျ လေတပ်မှ F-18 Super Hornet တိုက်လေယာဉ်တစ်စီး |
ဩစတြေးလျ ကာကွယ်ရေးဝန်ကြီး ဒေးဗစ်ဂျွန်စတုန်းက မိမိတို့၏ တိုက်လေယာဉ်များသည် အီရတ် မြောက်ပိုင်းရှိ IS ပစ်မှတ်များကို အဓိက တိုက်ခိုက်သွားမည်ဟု ဆိုသည်။ IS တို့သည် ဆီးရီးယားနှင့် အီရတ်တို့တွင် ဖြန့်ကျက် အခြေစိုက်ထားပြီး အမေရိကန်က ကနဦးတွင် အီရတ်မြောက်ပိုင်းရှိ IS ပစ် မှတ်များကိုသာ ဗုံးကြဲခဲ့သည်။ သို့သော်လည်း ယခုရက်ပိုင်းအတွင်း ဆီးရီးယား တွင်ပါ အမေရိကန်နှင့် အာရပ်မဟာမိတ် နိုင်ငံများက IS တို့ကို လေကြောင်းမှ ထိုးစစ်ဆင်နေပြီ ဖြစ်သည်။
ဂျွန်စတုန်းက “ကျွန်တော်တို့အနေနဲ့ စစ်ဘက်အခြေခံ လိုအပ်ချက် အတိုင်းအတာ တစ်ရပ်ထိ ထောက်ပံ့ ကူညီသွားပါမယ်။ ဩစတြေးလျရဲ့ F-18 Super Hornet တိုက်လေယာဉ် (၈)စီးဟာ အမေရိကန် ဦးဆောင်တဲ့ လေကြောင်း တိုက်ခိုက်မှုတွေမှာ ပူးပေါင်းသွားမှာပါ”ဟု ဘဂ္ဂဒက်တွင် အီရတ်ဝန်ကြီးချုပ် ဟိုင်ဒါအယ်လ် အဘာဒီနှင့် တွေ့ဆုံပြီးနောက် သတင်းထောက်များအား ပြောကြားခဲ့သည်။
ဂျွန်စတုန်းသည် အရှေ့အလယ်ပိုင်းသို့ ရောက်ရှိနေပြီး လေကြောင်းတိုက်ခိုက်မှု ကဏ္ဍနှင့် စပ်လျဉ်းသည့် ကိစ္စများကို ဆွေးနွေးနေသည်။ ဩစတြေးလျ ဝန်ကြီးချုပ် တိုနီအက်ဘော့က စက်တင်ဘာ (၁၄)ရက် က တည်းက မိမိတို့၏ တိုက်လေယာဉ်များကို UAE နိုင်ငံတွင် အခြေစိုက်ရန် စေလွှတ်ထားပြီး ထိုမှတစ်ဆင့် အမေရိကန်၏ စစ်ဆင်ရေးတွင် ပူးပေါင်းသွားမည်ဟု ကြေညာထားခဲ့သည်။
စက်တင်ဘာ (၂၂)ရက်တွင် သတင်းထောက်များနှင့် တွေ့ဆုံရာ၌ ဂျွန်စတုန်းက “အခုလောလော ဆယ်တော့ တိုက်လေယာဉ်တွေကို အရှေ့အလယ်ပိုင်းမှာ နေရာချတဲ့ လုပ်ငန်းစဉ်ကို အကောင်အထည် ဖော်နေပါတယ်။ စစ်ဆင်ရေး ကဏ္ဍမှာ တိုက်လေယာဉ်တွင် ပါဝင်ဆင်နွှဲဖို့ကတော့ နည်းနည်း အချိန်ယူ ပြင်ဆင်ရဦးမှာပါ။ အခုလောလောဆယ်တော့ စစ်ဆင်ရေး စတင်ဖို့ အလှမ်းကွာနေတုန်းပဲ။ စစ်ဆင်ရေးနဲ့ ကိုက်ညီမယ့် နည်းဗျူဟာပိုင်း ဖြေရှင်းချက် တချို့ကို ကျွန်တော်တို့ လုပ်ဆောင်ရပါဦးမယ်”ဟုလည်း ပြောကြားသွားသည်။
No comments:
Post a Comment