.jpg)
ဗြိတိန်နိုင်ငံသား ၂ ဦး အသတ်ခံရတဲ့ အမှုတွဲကို အစိုးရရှေ့နေလက်ထဲ အပ်နှံလိုက်ပြီးဖြစ်တဲ့အတွက် အစိုးရရှေ့နေထံ ခွင့်ပြုချက်တောင်းခံရဦးမှာမို့ လာရောက်ရှင်းလင်းဖို့ အဆင်မသင့်သေးကြောင်း ရဲတပ်ဖွဲ့အတိုင်ပင်ခံ ဒုရဲချုပ် ကော်ကစ် ၀ုန်းဆွန်ချတ်က အောက်တိုဘာလ ၂၄ ရက်နေ့မှာ အကြောင်းကြားစာ ပေးပို့ခဲ့တယ်လို့ ထိုင်းလူ့အခွင့်အရေးကော်မရှင် ပြောခွင့်ရ ဒေါက်တာ နိရတ် ဖိထပ်ဝချရက သတင်းထောက်တွေကို ပြောပါတယ်။
ထိုင်းအမျိုးသားလူ့အခွင့်အရေးကော်မရှင်အနေနဲ့တော့ ဒီလုပ်ဆောင်ချက်ဟာ ထိုင်းရဲတပ်ဖွဲ့ရဲ့အမှုတွဲကို သွားရောက်စွက်ဖက်တာ မဟုတ်ဘဲ ကော်မရှင်ရဲ့ ရာဇ၀တ်မှု ဥပဒေဆိုင်ရာ စစ်ဆေးရေးဌာနက တာဝန်ရှိတဲ့အတိုင်း အဘက်ဘက်က တရားမျှတမှုရှိစေဖို့၊ တရားခံတွေကို ဖမ်းဆီးပုံနဲ့ တရားခံမှာ လူ့အခွင့်အရေးချိုးဖောက်မှု ခံရခြင်း ရှိမရှိ စစ်ဆေးဖို့ ၀တ္တရားအရ ဆောင်ရွက်ရတာပါလို့ ဒေါက်တာ နိရတ် ဖိထပ်ဝပ်ချရက ဆက်ပြောပါတယ်။
ကောစမွီအကျဉ်းထောင်မှာရှိတဲ့ ဖမ်းဆီးခံထားရတဲ့ မြန်မာလူငယ် ၂ ဦးကို စစ်ဆေးချက်အရတော့ ကျန်းမာရေးပုံမှန်ရှိနေကြောင်း၊ နယ်မြေထဲမှာ သွားရောက်အမှုစစ်ဆေးခဲ့တဲ့ ရဲအရာရှိတွေအနေနဲ့ လာမယ့် နိုဝင်ဘာလ ၃ ရက်နေ့ကျရင် လူ့အခွင့်အရေးကော်မရှင်ထံ လာရောက်ရှင်းလင်းပေးဖို့ ထပ်မံချိန်းဆိုလိုက်တယ်လို့ ဒေါက်တာ နိရတ် ဖိထပ်ဝပ်ချရက ထိုင်းသတင်းထောက်တွေကို အောက်တိုဘာလ ၂၇ ရက် ညနေပိုင်းက ပြောသွားပါတယ်။
စက်တင်ဘာ ၁၅ ရက်နေ့က ခိုတောင်ကျွန်းမှာ ဗြိတိန်နိုင်ငံသား ၂ ဦး အသတ်ခံရတဲ့ကိစ္စ တရားခံအဖြစ် စွပ်စွဲဖမ်းဆီးခံထားရတဲ့ မြန်မာလူငယ် ကိုဇော်လင်း နဲ့ ကိုဝင်းဇော်ထွန်းတို့ နှစ် ဦးဟာ ထိုင်းရဲတွေရဲ့ နှိပ်စက်စစ်မေးတာကို ခံခဲ့ရကြောင်း ထိုင်းအမျိုးသားလူ့အခွင့်အရေးကော်မရှင်အဖွဲ့က အောက်တိုဘာလ ၂၁ ရက်နေ့ သတင်းစာရှင်းလင်းပွဲမှာ ပြောကြားခဲ့ပါတယ်။
ဒီကိစ္စနဲ့ပတ်သက်ပြီး သက်ဆိုင်ရာ စုံစမ်းရေးရဲတပ်ဖွဲ့ကို အောက်တိုဘာလ ၂၇ ရက်နေ့ မနက် ၁၀ နာရီ လူ့အခွင့်အရေးကော်မရှင်ရုံးမှာ လာရောက်ရှင်းလင်းဖို့ ဖ်ိတ်ကြားခဲ့တာ ဖြစ်ပါတယ်။
No comments:
Post a Comment