.jpg)
အမျိုးသားလွှတ်တော် ကိုယ်စားလှယ် ဦးလှဆွေက ကာကွယ်ရေးဝန်ကြီးဌာနအနေနဲ့ သတ္တုတွင်းတွေ လုံခြုံရေးအတွက် ဘတ်ဂျက်ငွေ ထည့်သွင်းတောင်းခံထားတာဟာ မဖြစ်သင့်တဲ့အကြောင်း အခုလိုဆွေးနွေးခဲ့ပါတယ်။
"ကာကွယ်ရေးဝန်ကြီးဌာနက သတ္တုတွင်းတွေ လုံခြုံရေးအတွက် တပ်ရင်း ၄ ရင်းစာကို ပေးရတယ်ဆိုရင် မိတ္ထီလာမှာသွားပြီးတော့ ထိန်းသိမ်းတဲ့တပ်အတွက် ပြည်ထဲရေးကပေးရမှာလား၊ ရခိုင်ပြည်နယ်မှာ သွားပြီးတော့ လုံခြုံရေးသွားလုပ်တဲ့ တပ်တွေအတွက် ဘယ်ဌာနကပေးမလဲ၊ ဒါဆိုရင် ကျနော်တို့ ထွေပြားရှုပ်ထွေးမှုရှိပါတယ်၊ တစ်နိုင်ငံလုံးရဲ့ လုံခြုံရေးဟာ တပ်မတော်မှာ တာဝန်ရှိပါတယ်၊ တစ်နိုင်ငံလုံးရဲ့ လုံခြုံရေးကို လုပ်နေရဲ့သားနဲ့ သတ္တုတွင်းကို လုံခြုံရေးလုပ်နေတဲ့ ၄ ရင်းစာကို သတ္တုတွင်းက တောင်းရတာတို့၊ သစ်တောလုံခြုံရေးလုပ်တဲ့သူက တောင်းရတာတို့ဆိုတာ ဒီခေတ်စနစ်မှာတော့ မကိုက်ညီတော့တဲ့အတွက်ကြောင့်မို့ နောင်လာမယ့် ဘတ်ဂျက်တွေမှာတော့ သတ္တုတွင်းက ဘတ်ဂျက်ကိုယူသုံးမယ့်အစား မိမိတို့ရဲ့ ကာကွယ်ရေးဌာနကသာလျှင် ထည့်သွင်းပြီးတော့ ရေးဆွဲသင့်ပါတယ်လို့ အကြံပေးဆွေးနွေးရင်း နိဂုံးချုပ်ပါတယ်"
ပြည်သူ့လွှတ်တော် ကိုယ်စားလှယ် ဒေါ်နန်းဝါနုက ငြိမ်းချမ်းရေးဆွေးနွေးပွဲတွေ ကျင်းပနေချိန်မှာ ကာကွယ်ရေးဝန်ကြီးဌာနအနေနဲ့ စစ်ဆင်ရေးအတွက် အသုံးစရိတ်တောင်းခံထားတာကို အခုလို ကန့်ကွက်ခဲ့ပါတယ်။
"နောက်ထပ်ဘဏ္ဍာငွေသုံးစွဲရေး ဥပဒေကြမ်းမှာ စစ်ဆင်ရေး အသုံးစရိတ်များကိုသာဖော်ပြပြီး စစ်ဆင်ရေး အသုံးစရိတ်များကို တိုးမြှင့်တောင်းခံလာတာကို တွေ့မြင်နေရပါတယ်၊ ယခုအချိန်ကာလဟာ နိုင်ငံတော် ပြုပြင်ပြောင်းလဲရေး ဒီမိုကရေစီစနစ်ဖော်ဆောင်ရေး စစ်မှန်တဲ့ငြိမ်းချမ်းရေးကို ဖော်ဆောင်နေဆဲကာလဖြစ်တဲ့အတွက် စစ်ဆင်ရေးအသုံးစရိတ် တိုးမြှင့်တောင်းခံလာခြင်းက သင့်လျော်မှုမရှိပါ"
လာမယ့် ၂၀၁၄-၂၀၁၅ ဘဏ္ဍာနှစ်အတွက် ပြည်ထောင်စုရဲ့ ဖြည့်စွက်ငွေစာရင်းနဲ့ နောက်ထပ်ဘဏ္ဍာ ငွေခွဲဝေသုံးစွဲရေး ဥပဒေကြမ်းကို ပြီးခဲ့တဲ့ အောက်တိုဘာလ ၂၀ ရက်နေ့က ဘဏ္ဍာရေးဝန်ကြီးဌာနက တင်သွင်းခဲ့တာဖြစ်ပါတယ်။
အဲဒီဥပဒေကြမ်းမှာ ပြည်ထောင်စုအဆင့်ဝန်ကြီးဌာန ၂၉ ခုရဲ့ တောင်းခံငွေဟာ ကျပ်သန်းပေါင်း ၂၀၀၀ ကျော်ရှိတယ်လို့ ပါရှိပါတယ်။ ကာကွယ်ရေးဝန်ကြီးဌာနတစ်ခုတည်းရဲ့ ထပ်တိုးတောင်းခံတဲ့ ပမာဏကိုတော့ RFA က မသိရှိရသေးပါဘူး။
No comments:
Post a Comment