.jpg)
“မြနန်းစံကျော်ရွှေကျောင်းတော်မှာ ထားရှိတဲ့ မင်းတုန်းမင်းပုံရုပ်ထုမှာ မဖွယ်မရာပြုမူတဲ့ ဓါတ်ပုံကလွန်ခဲ့တဲ့သုံးနှစ်လောက်က ပုံဖြစ်ပါတယ်။ ခုလိုလုပ်တာမျိုးဆိုရင် ရာဇသတ်ကြီးပုဒ်မနဲ့ အရေးယူသွားမှာဖြစ်ပါတယ်။”ဟု မန္တလေးတိုင်းဒေသကြီး ဘဏ္ဍာရေးဝန်ကြီး ဒေါက်တာမြင့်ကြူက ရှင်းလင်း ပြောကြားခဲ့ကြောင်းသိရသည်။
မြန်းစံကျော် ရွှေနန်းတော်တွင် CCTV ကင်မရာများတတ်ဆင်ထားမှုများရှိသော်လည်း အချိျု့နေရာများ၌ လိုအပါနေသေးကြောင်း၊ အထူးသဖြင့် လူမှုကွန်ယက်စာမျက်နှာတွင်ပျံ့နှံနေသည့် ရုပ်တုနေရာတွင်CCTV ကင်မရာ မတွေ့ခဲ့ရကြောင်းကို မြင်တွေ့ခဲ့သူတစ်ဦးက ပြောကြားသည်။
မဖွယ်မရာ ပြုလုပ်ခြင်းများ တွေ့ရှိရပါက ရာဇသတ်ကြီးဥပဒေပုဒ်မ ၂၉၂-(က)အရ အရေးယူသွားမည်ဖြစ်၍ ယင်းဥပဒေအရထောင်ဒဏ်(၃)လ သို့မဟုတ် ငွေဒဏ်တစ်ခုခုကျခံရမည်ဖြစ်ကြောင်း မြန်မာယဉ်ကျေးမှုကို ထိခိုက်နစ်နာမှုများနှင့် ဂုဏ်သိက္ခာ ညှိးနွမ်းစေနိုင်သောကြောင့် ယခုကဲ့သို့လုပ်ဆောင်သွားရန်စီစဉ်ခြင်းဖြစ်သည်ဟု ဆိုသည်။
“ရှေးဟောင်းဥပဒေအရ ဆိုရင်လည်း ယဉ်ကျေးမှုနဲ့ သက်ဆိုင်တဲ့ပစ္စည်းတွေကို အမြင်မသင့်တဲ့ မဖွယ်မရာ ပြုလုပ်တာမျိုးရှိလာရင် အရေးယူနိုင်တယ်။" ဟု ရှေးဟောင်းသုတေသနအမျိုးသားပြတိုက်နှင့် စာကြည့်တိုက် ဦးစီးဌာန(မန္တလေး) ညွန်ကြားရေးမှုး ဦးညို မြင့်ထွန်းကပြောသည်။
မြနန်းစံကျော်ရွှေနန်းတော်တင်သာမကကျန်သည့်ယဉ်ကျေားမှုနေမြေများအားလုံးကို စောင့်ကြည့်ပြီး တွေ့ရှိလျှင် အရေးယူသွားမည်ဖြစ်ကြောင်း၊ ယဉ်ကျေးမှုနယ်မြေများရှိ ပစ္စည်းများအား အကြည်အညိုပျက်စေသည့်အပြုအမူများကို စောင့်ကြည့်အဖွဲ့များဖြင့်ဖွဲ့စည်းသွားမည်ဖြစ်ကြောင်း ယင်းကဆက်လက်ပြောကြားသည်။
ထို့ပြင် မြနန်းစံကျော်ရွှေနန်းတော်ကြီးအား တိုင်းဒေသကြီးအစိုးရအဖွဲ့က စီမံဆောင်ရွက်ရာမှ ပြည်ထောင်စုအစိုးရထံသို့ ပြန်လည်လွှဲပြောင်းပေးအပ်တော့မည်ဖြစ်ပြီး လက်ရှိတွင်လွှဲပြောင်းပေးအပ်ရန်အတွက် လုပ်ဆောင်နေပြီဟုသိရသည်။
No comments:
Post a Comment