လူ့ အရိုးစုများ ကျောက် ဖြစ်နေသည့် ရှေးဟောင်း သင်္ချိုင်းရာ တစ်ခုကို ဟန်လင်း မြို့ဟောင်း ၌ တူးဖော် တွေ့ရှိ

စစ်ကိုင်းတိုင်းဒေသကြီး ရွှေဘိုခရိုင် ဝက်လက်မြို့နယ် ဟန်လင်း ပျူယဉ်ကျေးမှု မြို့ဟောင်းကြီး၌ ယဉ်ကျေးမှုဝန်ကြီးဌာန ရှေးဟောင်း သုတေသနနှင့် အမျိုးသားပြ တိုက် ဦးစီးဌာနမှ လူ့အရိုးစုများ ကျောက်ဖြစ်နေသည့် ရှေးဟောင်း သင်္ချိုင်းရာတစ်ခုကို တူးဖော်တွေ့ရှိ၍ စနစ်တကျ ထိန်းသိမ်း စောင့်ရှောက်ထားကြောင်း ဟန်လင်း မြို့ဟောင်း ပျူယဉ်ကျေးမှု ပြတိုက်တာဝန်ခံ ဒေါ်ခင်တိုးဝင်းထံမှ သိရသည်။ ''အဲဒီ သင်္ချိုင်းရာက လွန်ခဲ့တဲ့ နှစ်ပေါင်း ၂ဝဝဝ နဲ့ ၅ဝဝဝ အကြားက ဖြစ်နိုင်မယ်လို့ ယူဆရ ပါတယ်။ စတင်တူးဖော် တွေ့ရှိရတာက ၂ဝဝ၅ ခုနှစ်က ဖြစ်ပါတယ်'' ဟု ၎င်းက ဆက်လက် ပြောကြားခဲ့သည်။

အဆိုပါ သင်္ချိုင်းရာသည် ဟန်လင်းမြို့ဟောင်း၏ တောင်ဘက်အရပ် မြို့ရိုးအပြင် ဘက်နေရာ ရွှေဂူကြီးဘုရား မြောက်ဘက် အနီး၌တည်ရှိပြီး ၎င်းသင်္ချိုင်း အတွင်းရှိ ရုပ်အလောင်း အရိုးစုများသည် မြောက်အရပ်သို့ ဦးခေါင်းတည်၍ စနစ်တကျ မြှုပ်နှံထားခြင်းဖြစ်သည်။ ရုပ်အလောင်းများနှင့်အတူ မြေအိုးများနှင့် လက်ဝတ် ရတနာ များကိုပါ ထည့်သွင်းမြှုပ်နှံထားကြောင်း သိရသည်။ အချို့သော ရုပ်အလောင်းများမှာ ၎င်း တို့မြှုပ်နှံထားရှိသော မြေလွှာ၌ ကန့်၊ ဆား နှင့် ထုံးဓာတ်များ ပါဝင်နေခြင်း ကြောင့် ရုပ်အလောင်း၏ အချို့သော အပိုင်းအစမှာ ကျောက်ဖြစ်နေသည်ကို ရှေးဟောင်း သုတေသနအဖွဲ့မှ စိစစ် တွေ့ရှိခဲ့ကြောင်း မှတ်တမ်းများ၌ ဖော်ပြထားသည်။

သင်္ချိုင်းရာအတွင်းရှိ ရုပ်အလောင်းများ မြှုပ်နှံထားသည့် မြေလွှာ၏ အတိမ်၊ အနက် တို့ကို ထောက်ရှုခြင်းအားဖြင့် ၎င်းသင်္ချိုင်းရာသည် ခေတ်အဆက်ဆက်က မြှုပ်နှံ သင်္ဂြိုဟ်ခဲ့သည်ဟု ရှေးဟောင်း သုတေသနအဖွဲ့က ခန့်မှန်း ယူဆထားသည်။ ယင်းသင်္ချိုင်းရာကို တူးဖော်စဉ်ကာလက ရှေးခေတ်လူသားများ အဆောင်အယောင် အဖြစ် အသုံးပြုခဲ့သော ကျောက်ချော လက်နက်များ၊ ကျောက်ပုတီးစေ့ များနှင့် ကြေးခလောက်များကိုလည်း ၎င်းသင်္ချိုင်းရာ အတွင်းမှ တူးဖော် ရရှိခဲ့သည်။ မြန်မာနိုင်ငံ ၏ လူ့ယဉ်ကျေးမှု အစဉ်အလာသည် ရှေးယခင် နှစ်ပေါင်းများစွာကပင် စတင်၍ စနစ်တကျ မြေမြှုပ်သင်္ဂြိုဟ်ခဲ့သည့် အစဉ်အလာ ထွန်းကားခဲ့ကြောင်း အဆိုပါ သင်္ချိုင်း ၏ အထောက်အထားများ အရ သိရသည်။