.jpg)
နယ်စပ်က ဒုက္ခသည်စခန်းတွေ နဲ့ ရွှေ့ပြောင်းအလုပ် သမားတွေအတွက် ထုိုင်းကျန်းမားရေး ဝန်ကြီးဌာန ကနေ ထုတ်ပေးတဲ့ အိပ်ခ်ျအုိုင်ဗွီလူနာတွေ အတွက် ARD ဆေးဝါးတွေ အပါအ ဝင် ဆေးဝါးထောက် ပံ့မှုတွေ ရပ်တော့ မယ်လုို့ ပြောပါတယ်။
ထုိုင်းက သူတုို့ ရနေတဲ့ ကျန်းမာရေးအတွက် ဘတ်ဂျက်ငွေတွေ ထပ်ရဖုို့ အလားအလာ မရှိတော့တာကြောင့် ထောက်ပံ့မှုတွေ ရပ်ဆုိုင်းမယ်လို့ စက်တင်ဘာ ၂၂ ရက်နေ့က ထုိုင်းနိုင်ငံ မဲဆောက်မှာ ပြုလုပ်တဲ့ နှစ်နိုင်ငံ နယ်စပ် လူနာလွှဲပြောင်းရေးနဲ့ ရောဂါကာကွယ်ရေး ဆွေးနွေးပွဲမှာ ဒေါက်တာ အောင်ကျော်ထွေးက ပြောပါတယ်။
ကရင်ပြည်နယ် ကျန်းမာရေးဌာနမှာ ဒေါက်တာ အောင်ကျော်ထွေးကတော့ “ထုိုင်းဘက် သူတုို့ ပရီစင်တေးရှင်းအရပ်ပေါ့။ လာမယ့် ၂၀၁၅ စက်တင်ဘာလလောက်မှာ ကမ္ဘာက ရနေတဲ့ ဘတ်ဂျက်ငွေတွေကို အခုလောလောဆယ် အခြေအနေမှာဆုိုရင် ထပ်ရဖုို့ မရှိတော့ဘူးဆုိုတော့ အဓိကက ARD လူနာတွေအတွက် အဲ့လူတွေက ရွှေ့ပြောင်း အလုပ်သမားတွေ ပါတယ်၊ မယ်လ ဒုက္ခသည်တွေ ပါတယ်။ ARD ဆုိုတော့ ဝန်ထုပ်က ကြီးတယ်။ တသက်လုံး ထောက်ပံ့ပေးရမှာကိုး။ ဒီတော့ ဘတ်ဂျက်တွေ ရပ်လိုက်ပြီဆုိုရင် လူနာတွေက ကျနော်တုို့ ဘက်ကို ပြန်လွှဲပြောင်းရတော့မှာ။ ကျနော်တုို့ မြဝတီဘက်မှာလည်း ပြင်ဆင်ထားပြီးပြီ။ ကျနော်တုို့ လုိုချင်တာကတော့ သူတုို့ဆီမှာ ဘယ်လောက်ရှိလဲ။ ကျနော်တုို့ဘက်ကို ဘယ်လိုလွှဲမလဲ။ ARD လာယူမယ့်လူတွေအတွက် ဘယ်လို စီစဉ်ဆောင်ရွက်ပေးမလဲ။ ဒါတွေကို ကျနော်တုို့ ထပ်ဆွေးနွေးဘောတူရမဲ့ အပိုင်းတွေ၊ ပြီးတော့ ကျနော်တုို့ ဝန်ကြီးဌာနကို တင်ပြရမှာ ဖြစ်ပါတယ်” လို့ ပြောပါတယ်။
ဒါ့အပြင် ထုိုင်းက သုံးနေတဲ့ ARD ဆေးဝါး အမျိုးအစားတွေ သိဖုို့ လိုသေးသလို လူနာတွေအတွက် အကျိုးရှိရှိ ဆောင်ရွက်နိုင်ဖုို့ နှစ်နိုင်ငံ ညို့နှိုင်းဆွေးနွေးမှု လုပ်ဖုို့ လိုသေးတယ်လို့လည်း ပြောပါတယ်။
လူနာတွေ လွှဲပြောင်းမှုနဲ့ ကူးစက်ရောဂါတွေ ကာကွယ်ဖို့ အဖြေရှာရေးဆွေးနွေးပွဲကို စက်တင်ဘာ ၂၂ ရက် နဲ့ ၂၃ ရက်နေ့တွေမှာ ဆွေးနွေးကြတာ ဖြစ်ပါတယ်။
ဒီဆွေးနွေးပွဲမှာ လူတွေ နှစ်နိုင်ငံအကြား အလွယ်တကူ သွားလာနေကြသလို ကူးစက်ရောဂါတွေလည်း အလွယ်တကူ ပျံ့နှံ့နေတာကြောင့် နှစ်နိုင်ငံ ကျန်းမာရေး ဝန်ထမ်းတွေ ပူးပေါင်းပြီး ကူးစက်ရောဂါတွေ ကာကွယ်သွားမယ်လို့ ပြောပါတယ်။
ထိုင်းကျန်းမာရေးဝန်ကြီးဌာနမှာ ဒေါက်တာ ချိုင်းရနန် သာရာဝီ၀ပ်ကတော့ “ထုိုင်းနဲ့ မြန်မာအကြားမှာတော့ ဒီလုိုပဲု ဖြတ်သွားဖြတ်လာ ဒါတွေ ရှိပါတယ်။ ဥပဒေနဲ့ အညီ သွားလာတဲ့ သူတွေလည်း ရှိသလို ဥပဒေနဲ့ မညီပဲ သွားတဲ့လူတွေလည်း ရှိပါတယ်။ အဲလုိုဖြတ်သန်း သွားလာသူ များတော့လည်း ရောဂါပိုးတွေလည်း ဖြတ်သန်းသွားလာတာပါပဲ။ ဒါကြောင့် နယ်စပ်ဒေသမှာ ငှက်ဖျား၊ HIV၊ ပြီးတော့ ဝမ်းပျက်ဝမ်းလျော့၊ သွေးလွန်တုပ်ကွေး စတဲ့ ရောဂါတွေ အလွယ်တကူ ပျံ့နှံ့နေတာပါ။ ဒါကြောင့် နှစ်နိုင်ငံ ကျန်းမာရေး ဝန်ထမ်းတွေ ပူးပေါင်းပြီး ကူးစက်ရောဂါတွေကို ကာကွယ်ထိန်းချုပ်သွားရမှာဖြစ်ပါတယ်” လို့ ပြောပါတယ်။
ဆွေးနွေးပွဲကို ထိုင်းနိုင်ငံ ကျန်းမာရေးဝန်ကြီးဌာန အကြံပေးအရာရှိ ချိုင်းရနပ်က ဦးဆောင်တက်ရောက်ပြီး မြန်မာဘက်က ကရင်ပြည်နယ် ကျန်းမာရေးဌာန ဒေါက်တာ အောင်ကျော်ထွေး တက်ရောက် ဆွေးနွေးသွားပါတယ်။
ထိုင်းက ရွှေ့ပြောင်းအလုပ်သမားတွေနဲ့ စစ်ပြေးဒုက္ခသည်တွေအတွက် ကျန်းမာရေး ကုန်ကျစရိတ် ၁ နှစ်မှာ ဘတ်သန်း ၁၀၀ လောက်ရှိနေတာပါ။
 |
| နှစ်နိုင်ငံ တာဝန်ရှိသူများ ဆွေးနွေးနေစဉ် |
No comments:
Post a Comment