.jpg)
ပြည်သူ့လွှတ်တော် ဥက္ကဌထံ ပေးပို့ထားတဲ့ ရွေးကောက်ပွဲစနစ် လေ့လာ သုံးသပ်ရေး ကော်မရှင်ရဲ့ အစီရင်ခံစာမှာ ရွေးကောက်ပွဲစနစ် ၃ မျိုးသာ ရွေးချယ်ထားတဲ့ အတွက် အနည်းဆုံး ၇ မျိုး ရွေးချယ်တင်ပြဖို့ ပြည်သူ့လွှတ်တော် အစည်းအဝေးမှာ လွှတ်တော်ဥက္ကဌ သူရဦးရွှေမန်းက ပြောကြားခဲ့တာ ဖြစ်ပါတယ်။
"အစီရင်ခံစာကို လေ့လာရာမှာ ပြည်သူ့ကိုယ်စားလှယ်များက ပြည်သူ့ကိုယ်စား ရွေးချယ်နိုင်ရန်အတွက် စနစ် ၃ မျိုးကိုသာ တင်ပြထားသည်ကို တွေ့ရှိရပါတယ်၊ ပြည်သူ့ကိုယ်စားလှယ်များက ရွေးချယ်ရန် ယခုထက်ပိုသော အခွင့်အရေးပေးသင့်ပါတယ်၊ ပြည်ထောင်စုသမ္မတ မြန်မာနိုင်ငံတော်နှင့် လိုက်လျောညီထွေမှုရှိမယ့် ရွေးကောက်ပွဲစနစ် ပေါ်ပေါက်လာစေရန် လေ့လာသုံးသပ်ရေး ကော်မရှင်အနေဖြင့် ပြည်သူများနဲ့ ပြည်သူ့ကိုယ်စားလှယ်များအတွက် ရွေးချယ်ရန်အတွက် နည်းလမ်းအနည်းဆုံး ၇ ခုကို ရွေးချယ်တင်ပြရန်နှင့် ၂၁ ရက် ၁ဝ လ ၂ဝ၁၄ ရက်နေ့ နောက်ဆုံးထားပြီး တင်ပြရန် စီစဉ်ထားပြီးဖြစ်ကြောင်း လွှတ်တော်အား အသိပေးတင်ပြပါသည်"
ရွေးကောက်ပွဲစနစ် လေ့လာသုံးသပ်ရေးကော်မရှင်ဟာ ရွေးကောက်ပွဲစနစ်တွေနဲ့ ပတ်သက်ပြီး လေ့လာပြုစုထားတဲ့ အစီရင်ခံစာကို ပြီးခဲ့တဲ့ စက်တင်ဘာလ ၂၄ ရက်နေ့မှာ လွှတ်တော်ဥက္ကဌထံ တင်ပြခဲ့တာဖြစ်တယ်လို့ သိရပါတယ်။
အဲ့ဒီကော်မရှင်ကို ပြီးခဲ့တဲ့ ဇူလိုင်လ ၃၁ ရက်နေ့မှာ ဖွဲ့စည်းခဲ့တာဖြစ်ပြီး အဖွဲ့ဝင်တွေထဲမှာ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ၊ အမျိုးသား ဒီမိုကရေစီအဖွဲ့ချုပ်၊ အမျိုးသား ဒီမိုကရေစီ အင်အားစုပါတီ၊ တိုင်းရင်းသားပါတီတွေက ကိုယ်စားလှယ်စုစုပေါင်း ၃၁ ဦး ပါဝင်ပါတယ်။
No comments:
Post a Comment