ကရင်လက်နက်ကိုင်တပ်တွေ ကော်သူးလေတပ်မတော် ပူးပေါင်းဖွဲ့စည်းကြောင်း ထုတ်ပြန်

ကရင်လက်နက်ကိုင်တပ်ဖွဲ့ ၄ ဖွဲ့ ပူးပေါင်းပြီး ကော်သူးလေ တပ်မတော် KAF ဖွဲ့စည်းတယ်ဆိုတဲ့ ထုတ်ပြန်ချက်ဟာ ကေအဲန်ယူ ကရင်အမျိုးသား အစည်းအရုံး ဗဟိုကော်မတီရဲ့ သဘောထား မဟုတ်ကြောင်း ကေအဲန်ယူ ဗဟိုကော်မတီဝင် ပဒိုမန်းငြိမ်းမောင်က ဒီနေ့ ပြောလိုက်ပါတယ်။

အဲဒီကိစ္စအတွက် ကေအဲန်ယူ ဗဟိုကော်မတီအစည်းဝေးမှာ ဆွေးနွေးသွားမှာဖြစ်ကြောင်း ကေအဲန်ယူ ဗဟိုကော်မတီဝင် ပဒိုမန်းငြိမ်းမောင်က ပြောပါတယ်။

"ကျနော်တို့ ပေါင်းစည်းရေး အဖွဲ့လေးဖွဲ့ထဲမှာ ကျနော်တို့ ကေအဲန်ယူက ခေါင်းဆောင်တချို့ ပါတဲ့အခါကျတော့ ကျနော်တို့ မကြာခင် အောက်တိုဘာလ နောက်ဆုံးအပတ်မှာ ကေအဲန်ယူရဲ့ ဗဟိုကော်မတီ အစည်းအဝေး ကျင်းပမှာဖြစ်ပါတယ်၊ ကျနော်တို့ ရဲဘော်ရဲဘက်တွေဖြစ်တယ်၊ လုပ်ဖော်ကိုင်ဖက်တွေဖြစ်တယ်၊ ကျနော်တို့ မျက်နှာစုံညီအစည်းဝေးမှာ ကျနော်တို့ ညှိညှိနှိုင်းနှိုင်းနဲ့ အေးအေးချမ်းချမ်း တွေ့ဆုံပြီးတော့ အမြင်မတူတာလေးတွေကို ညှိနှိုင်းသွားမှာဖြစ်တယ်၊ ကရင့်တော်လှန်ရေးရဲ့ အခြေခံဒေသတစ်နေရာမှာ ကျနော်တို့လုပ်မှာဖြစ်ပါတယ်"

ကရင်အမျိုးသား လက်နက်ကိုင်တပ်ဖွဲ့တွေဖြစ်တဲ့ KNLA ၊ KNDO ၊ DKBA ၊ KNU/KNLA-PC အမည်တွေနဲ့ ကော်သူးလေတပ်မတော် ဖွဲ့စည်းကြောင်း မနေ့က ထုတ်ပြန်ခဲ့တာပါ။ အဲဒီ ထုတ်ပြန်ချက်မှာ ကော်သူးလေ တပ်မတော်အနေနဲ့ အဖွဲ့ဝင်အဖွဲ့အစည်းတစ်ခုခုကို ထိပါးတိုက်ခိုက်မယ်ဆိုရင် ၀ိုင်းဝန်းဖြေရှင်းမှာဖြစ်ကြောင်း ပါရှိပါတယ်။

ဒါ့အပြင် ကော်သူးလေတပ်မတော် KAF ဟာ ဒီမိုကရေစီအရေး၊ အမျိုးသားတန်းတူရေးနဲ့ ကိုယ်ပိုင်ပြဌာန်းခွင့် အခွင့်အရေးရှိတဲ့ ဖက်ဒရယ်ပြည်ထောင်စုစနစ် ပေါ်ပေါက်ရေးကို ဆောင်ရွက်သွားမှာဖြစ်တယ်လို့ ကြေညာချက်မှာ ပါရှိပါတယ်။

ခုလိုအားပေးတဲ့အတွက် အထူးကျေးဇူးတင်ပါကြောင်း ပြောကြားပါရစေ..ဆည်းဆာ မှ နည်းပညာများအား မည်သူမဆို လွတ်လပ်စွာ ကူးယူသုံးစွဲနိုင်ပါတယ်..လိုအပ်တာများရှိပါက.. C-Box မှာပြောခဲ့ကြနိုင်ပါတယ်... အတတ်နိုင်ဆုံး ကြိုးစား ကူညီ မျှဝေသွားပါမည်... ကျွန်တော် ပိုင်ဆိုင်သောနေရာလေးအား ဆက်လက် လည်ပါတ်လိုပါက { ဒီမှာ } သွားလိုက်ပါ