.jpg)
ယခုလ ၁၆ ရက်နေ့က နယ်ခြားစောင့်တပ်၏ ဖမ်းဆီးခြင်း ခံရကာ ပျောက်ဆုံး နေရာမှ သောင်းရင်းမြစ် အတွင်း အလောင်းပြန်တွေ့သည့် KNU တပ်မဟာ ၆ မှ တပ်ကြပ်စောတာနိုနှင့်ပတ်သက်၍ တာဝန်ရှိ သူများက အမှုမှန် ပေါ်ပေါက်ရေး အတွက် အထူးစီမံချက်ဖြင့် ဆောင်ရွက်နေသည်ဟု သိရှိရသည်။
ပျောက်ဆုံးသူ၏အလောင်းကို ယခုလ ၂၂ ရက်နေ့က သောင်ရင်းမြစ်အတွင်း ပြန်လည် တွေ့ရှိခဲ့ခြင်း ဖြစ်သည်။
အဆိုပါအမှုနှင့်ပတ်သက်၍ အမှတ် (၁၀၂၂) နယ်ခြားစောင့်တပ်ရင်းမှ တာဝန်ရှိသူများက အမှုနှင့် ဆက်စပ်မှုရှိသည်ဟု သင်္ကာမကင်းခံရသူ နယ်ခြားစောင့်တပ်ဖွဲ့ဝင် ၅ ဦးကို ယခုရက်ပိုင်းအတွင်းက ၎င်းတပ်ရင်းအတွင်း ဖမ်းဆီးစစ်ဆေးမှုများ ပြုလုပ်ခဲ့သည်။
သင်္ကာမကင်းမှုဖြင့် စစ်ဆေးခြင်းခံနေရသည့် နယ်ခြားစောင့်တပ်ဖွဲ့ဝင် ၅ ဦးမှာ မြ၀တီအခြေစိုက် အမှတ် (၁၀၂၂) တပ်ရင်းမှ တပ်ဖွဲ့ဝင်များဖြစ်သည်။
အဆိုပါဖြစ်ရပ်နှင့်ပတ်သက်၍ တာဝန်ရှိသူများကလည်း စုံစမ်းစစ်ဆေးရေးအဖွဲ့တခု ဖွဲ့စည်းထားပြီး မကြာမီအစီရင်ခံစာတစောင် ထုတ်ပြန်ရန်ရှိသည်ဟု သိရှိရသည်။
ဓါတ်ပုံ - လွန်ခဲ့သည့်ရက်ပိုင်းအတွင်းက သင်္ကာမကင်းမှုဖြင့် စစ်ဆေးခံနေရသူ နယ်ခြားစောင့်တပ်ဖွဲ့ဝင် ၅ ဦး။
No comments:
Post a Comment