.jpg)
ပြည်သူတွေ လျှပ်စစ်အန္တရာယ် မကြုံတွေဖို့အတွက် လျှပ်စစ်ဝန်ကြီးဌာနအနေနဲ့ လျှပ်စစ်မီးကြိုးတွေနဲ့ ပက်သက်ပြီး စတင် အဆင့်မြှင့်တင်နေပြီ ဖြစ်ကြောင်း လျှပ်စစ်စွမ်းအားဝန်ကြီးဌာနက တာဝန်ရှိသူက ဒီကနေ့ ကျင်းပတဲ့ အမျိုးသားလွှတ်တော် အစည်းအဝေးမှာ ပြောသွားပါတယ်။
Electric-300x210မြို့နယ်အသီးသီးမှာ ဓာတ်အားဖြန့်ဖြူးပေးနေ တဲ့ ဓာတ်ကြိုးတွေ ပြုတ်ကျ ရင်တောင် အန္တရာယ် မဖြစ်နိုင်အောင် ဂျပန်နိုင်ငံမှာ သုံးတဲ့နည်းပညာ တခု ဖြစ်တဲ့ နိုင်လွန် ပလတ်စတစ်တွေနဲ့ လင့်ကော်နက်ရှင် ယူပြီး တပ် ဆင်နေ ကြောင်း ပြည်ထောင်စုဒုဝန်ကြီး ဦးမော်သာထွေးက ပြောပါတယ်။
ဓာတ်အားလိုင်းကြိုးတွေ ပြတ်ကျပေမယ့်လည်း ဓာတ်လိုက်ခံရမှု မရှိစေဖို့အတွက် ဓာတ်အားလိုင်းတွေမှာ Earth ring၊ Earth bar system တွေအပြင် ဓာတ်ကြိုး ပြတ်ကျတာတွေကိုပါ ကာကွယ်နိုင်ဖို့အတွက် စတင်ပြုလုပ်နေပြီ ဖြစ်ပါတယ်။
ဒါ့အပြင် လျှပ်စစ်ဓာတ်အား အသုံးပြုတာများလာတဲ့နဲ့အမျှ သုံးစွဲတဲ့လျှပ်စစ်ဝန်ကို ခံနိုင်ရည် မရှိတဲ့ကြိုးတွေက ပြတ်ကျတာဖြစ်ကြောင်း၊ ဒီကြိုးတွေနေရာမှာ ကြိုးအသစ်တွေကို အရေးကြီးတဲ့နေရာကို ဦးစားပေးပြီး နိုင်ငံတော်ဘတ်ဂျက် ပြည်ပချေးငွေတွေနဲ့ လဲလှယ် တပ်ဆင်ပေးနေကြောင်းလည်း ပြည်ထောင်စုဒုဝန်ကြီးက ပြောသွားပါတယ်။
နောက်ပိုင်း တပ်ဆင်တဲ့ ဓာတ်ကြိုးတွေကိုလည်း တန်ဖိုးမြင့်တဲ့ အင်ဆူလိတ်တက် ၀ါယာ တွေကိုသာ အသုံးပြုတော့မှာပါလို့ ဆိုပါတယ်။
ပြီးခဲ့တဲ့ ဇွန်နဲ့ ဇူလိုင်လတွေအတွင်းက ရန်ကုန်တိုင်းအတွင်း ကမာရွတ်၊ မြောက်ဥက္ကလာပနဲ့ လှိုင်သာယာစတဲ့မြို့နယ်တွေမှာ ဓာတ်ကြိုး ပြတ်ကျရာမှာ အနည်းဆုံး လူ ၆ ဦး သေဆုံးခဲ့ရပြီးနောက် လျှပ်စစ်ဓာတ်မီးကြိုးတွေ အန္တရာယ်နဲ့ ပတ်သက်ပြီး လူထုတွေအကြား စိုးရိမ်ပူပန်မှုတွေ တိုးပွားလာနေတာလည်း ဖြစ်ပါတယ်။
No comments:
Post a Comment