.jpg)
နိုင်ဂျီးရီးယား စစ်ဘက်သည် ဘိုကိုဟာရမ် စစ်သွေးကြွ များ၏ ဖမ်းဆီး ပြန်ပေးဆွဲခြင်း ကို ခံခဲ့ရသော ကျောင်းသူများ၏ မြို့ဖြစ်သည့် ချီဘော့မြို့ကို ယမန်နေ့တွင် ပြန်လည် သိမ်းပိုက်နိုင်ပြီ ဖြစ်ကြောင်း သိရသည်။
အစိုးရတပ် များသည် အဆိုပါမြို့ကို နိုဝင်ဘာ ၁၅ ရက် ညနေပိုင်း က ဘိုကိုဟာရမ် စစ်သွေးကြွ များထံမှ ပြန်လည် တိုက်ခိုက် သိမ်းပိုက် နိုင်ခဲ့ခြင်း ဖြစ်ကြောင်း စစ်ဘက်မှ ပြောရေးဆိုခွင့် ရှိသူ ဗိုလ်ချုပ်ကြီး အိုလာဂျီဒေး အိုလာလေယေး က ပြောကြားခဲ့သည်။
ဘိုကိုဟာရမ် အဖွဲ့သည့် နိုင်ဂျီးရီးယားနိုင်ငံ အတွင်း အစ္စလာမ္မစ် နိုင်ငံ တစ်နိုင်ငံကို တည်ထောင်နိုင်ရေး အတွက် ဘော်နိုပြည်နယ် အတွင်းရှိ ကျေးရွာများကို သိမ်းပိုက် နိုင်ရန် လွန်ခဲ့သည့် လများအတွင်းမှ စ၍ ကြိုးပမ်း လာခဲ့ပြီး အဆိုပါမြို့ကို စစ်သွေးကြွ များထံမှ ပြန်လည် သိမ်းပိုက်နိုင်ရန် စစ်ဘက်က ဒေသတွင်းရှိ စေတနာ့ဝန်ထမ်း တပ်ဖွဲ့ များ၏ အကူအညီဖြင့် တိုက်ခိုက်ခဲ့ ရခြင်းဖြစ်သည်။
ဘိုကိုဟာရမ် စစ်သွေးကြွ များသည် ယခုနှစ် ဧပြီလအတွင်းက အဆိုပါ ဘော်နိုပြည်နယ် ချီဘော့မြို့မှ ကျောင်းသူ ၂၁၉ ဦးကို ဖမ်းဆီး ပြန်ပေးဆွဲခဲ့ရာ ယင်းကျောင်းသူ များကို အတင်းအကျပ် ဘာသာ ကူးပြောင်းခြင်း များကို လုပ်ဆောင်ခဲ့ပြီး နောက်ပိုင်းတွင် အနီးအနားရှိ မြို့များဖြစ်သော ဟုန်၊ ယိုလာ နှင့် ဂွန်ဘီ မြို့များအတွင်း တိုက်ခိုက်မှုများ တိုးမြှင့်ပြုလုပ် ခဲ့ကြကြောင်း သိရသည်။
No comments:
Post a Comment