.jpg)
ကျွန်းကြီးကျေးရွာနေ အသက် ၇၀ ကျော်အရွယ် ဦးဘကောက်၊ ဒေါ်ရီတို့နဲ့ သူ့ရဲ့ သားသမီးတွေကို မော်ကျွန်းမြို့နယ်တရားရုံးက ပိုင်နက်ကျူးကျာ်မှုနဲ့ အကျိုးပျက်စီးမှုပုဒ်မတွေနဲ့ တရားစွဲဆိုခဲ့ပါတယ်။ သူတို့တတွေဟာ အဲဒီလယ်ကို ပေါင်နှံထားလို့ ဖြစ်နေတဲ့အမှုကို အမှုရင်ဆိုင်နေချိန်မှာ သူတို့လယ်က စပါးကို ၀င်ရိတ်ကြတဲ့အတွက် ခိုးမှုနဲ့ တရားထပ်စွဲရပြီး အောက်တို ဘာလ ၂၈ ရက်နေ့က သူတို့ကို အလုပ်ကြမ်းနဲ့ ထောင်ဒဏ် ၆ လ ချမှတ်လိုက်တာဖြစ်ပါတယ်။
ထောင်ဒဏ်ချမှတ်ခံရသူတွေကတော့ အသက် ၇၀ အရွယ် ဘိုးဦးဘကောက် အဖွားဒေါ်ရီ၊ ဦးဗန်ကူး၊ ဒေါ်လှလှနိုင်နဲ့ မြေးမလေး မကျော်ခိုင်တို့ဖြစ်ပါတယ်။
မော်ကျွန်းရဲစခန်းက တာဝန်ကျရဲအရာရှိဦးက “ကျနော်တို့ သတင်းကြားတာကတော့ လယ်ယာမြေအမှုမှာ ၄၄၇/၄၂၇ ဆိုတာကတော့ ကျူးကျော်မှုတွေ ဖြစ်တာပေါ့နော်။ ကျူးကျော်မှုတွေ ဖြစ်ပြီးတဲ့နောက် စပါးတွေကို သူတို့က ထပ်ပြီးတော့ ရိတ်တယ်ပေါ့။ အမှုတွေ ဖြစ်နေတဲ့ ကာလအတွင်းမှာ စပါးတွေ ထပ်ရိတ်တော့ သူများရဲ့စပါးကို ယူဆောင်မှု၊ ခိုးမှုနဲ့ ထောင်ချလိုက်တာပါ။”
စီရင်ချက်ချပြီးနောက် သူတို့မိသားစုကို မြောင်းမြထောင်ဆီ ပို့လိုက်ပြီးလို့လည်း မော်ကျွန်းရဲစခန်းက ပြောပါတယ်။
သူတို့ရဲ့ အမှုဖြစ်ပွားပုံကတော့ ပြီးခဲ့တဲ့ ၃ နှစ်လောက်က သူတို့မိသားစု ငွေကြေး အခက်အခဲကြောင့် တရွားတည်းနေ ဦးငြိမ်းအေ ဆီကနေ လယ်ပြန်ငွေပြန်နဲ့ ငွေချေးယူခဲ့ပါတယ်။ ၂၀၁၃ ခုနှစ်မှာ နှစ်ဖက် လယ်ယာမြေပြသနာဖြစ်ပွားခဲ့ပြီး ဦးအေးငြိမ်းကနေ တရားလိုလုပ်ပြီး တိုင်တန်းခဲ့တာဖြစ်ပါတယ်။
ဒီမိသားစုဟာ ပိုင်နက်ကျူုးကျော်မှုနဲ့ အကျိုးပျက်စီးမှု ပုဒ်မတွေနဲ့ တရားဆက်လက်ရင်ဆိုင် ကြရဦးမှာဖြစ်ပါတယ်။
မိသားစုဝင်တွေ ထောင်ချမှတ်ခံရတဲ့အတွက် အသက် ၈ နှစ်နဲ့ ၁၀ နှစ်အရွယ် ကလေးတွေကိုတော့ တောင်သူလယ်သမားအရေး ကူညီပေးသူတွေက စောင့်လျောက်ထား တယ်လို့ လည်း သိရပါတယ်။
ဒီအမှုအခင်းနဲ့ပတ်သက်လို့ ကာယကံရှင်တွေရဲ့ ဆွေမျိုးတွေနဲ့ ရှေ့နေတွေကို မေးမြန်းနိုင်ဖို့ ကြိုးစားနေဆဲဖြစ်ပါတယ်။
No comments:
Post a Comment